महाराष्ट्र 14 न्यूज : पिंपरीचिंचवड शहरात कोरोनाच्या रुग्णांचा विळखा दिवसेंदिवस अधिकच घट्ट होताना दिसत आहे. कोरोनाच्या या संसर्गाने शहरातील तीन विद्यमान नगरसेवकांचा बळी घेतला. राष्ट्रवादी काँग्रेसचे जेष्ठ नगरसेवक जावेद शेख, नगरसेवक दत्ता साने आणि आज भाजपचे नगरसेवक लक्ष्मण उंडे यांचे कोरोनामुळे निधन झाले आहे . तसेच माजी नगरसेवक एकनाथ थोरात, साहेबराव खरात, माजी महापौर फुगे, लक्ष्मण गायकवाड या चार माजी नगरसेवकांचे देखील कोरोनामुळे निधन झालेे .
आज शनिवारी पिंपरी चिंचवड मनपातील भाजपचे विध्यमान नगरसेवक लक्ष्मण उंडे यांनी चिंचवड येथील एका खाजगी रुग्णालयात उपचार सुरू असताना अखेरचा श्वास घेतला. त्यांना महिनाभरापूर्वी कोरोनाचा संसर्ग झाला होता, त्यातच मधुमेहाचा त्रासाने परिस्थिती अधिक खालवल्यामुळे त्यांना व्हेंटिलेटरवर ठेवण्यात आले होते, अखेर महिन्यापासून मृत्यूशी सुरू असलेली झुंज अखेर आज संपली.
अगदी शांत स्वभावाचे लक्ष्मण उंडे अनुसूचित जमाती प्रवर्गातील प्रभाग चार दिघी-बोपखेल मधील भारतीय जनता पक्षाचे विध्यमान नगरसेवक होते, नगरसेवक होण्याअगोदर ते भारतीय लष्करी सेवेतून निवृत्त झाले होते. समाजकार्याची आवड असल्याने ते राजकारणात आले , देशसेवक, भाजप कार्यकर्ता, स्थायी समिती सदस्य असा त्यांचा जीवन प्रवास होता.
6 Comments