महाराष्ट्र 14 न्यूज, (दि.३१ डिसेंबर) : सुकन्या समृद्धी योजना मुलींसाठी लाभदायक आहे . शून्य ते दहा वर्षे वयोगटातील मुलींसाठी ची ही भारतीय डाक विभाग म्हणजे पोस्टाची ही योजना अतिशय लाभदायक आहे. याची माहिती सर्व पोस्ट ऑफिमध्ये दिली जाते असे मत छत्रपती शिवाजी शिक्षण प्रसारक मंडळाचे कै. सौ. शकुंतलाबाई आनंदराव शितोळे विद्यालयात भारतीय डाक विभाग पुणे व शितोळे शाळा सांगवी यांच्या संयुक्त विद्यमाने आधार नोंदणी व आधार दुरुस्ती शिबिर कार्यक्रम प्रसंगी उपविभागीय डाक निरीक्षक चिंचवड विभाग श्री. सी.एम. नदाफ बोलत होते.
पोस्टाच्या अनेक योजना चांगल्या आहे पोस्ट फक्त पत्र वाटपाचे काम करत नाही तर पोस्टाच्या पोस्टल लाइफ इन्शुरन्स, पि पी एफ आणि सुकन्या समृद्धी योजना अशा अनेक बचतीच्या योजनांचा नागरिकांनी लाभ घ्यावा असे ते म्हणाले. भारताचा स्वातंत्र्यदिन सुवर्णमहोत्सवी वर्ष असल्याने पुण्यातून 75000 सुकन्या समृद्धी खाती काढली जाणार आहेत. शितोळे शाळेत आजपासून आधार शिबिर आयोजित केले असून त्याचे उदघाटन प्रसंगी ते बोलत होते. शाळेचे मुख्याध्यापक श्री शिवाजीराव माने यांनी यासाठी पुढाकार घेतला व शाळेची एक दिवसात पन्नास खाती उघडली आहेत.
तसेच सर्व विद्यार्थ्यांचे आधार नोंदणी व आधार दुरुस्ती याठिकाणी चालणार आहे .सर्व नागरिकांना आवाहन करतो की सदर शाळेत किंवा पोस्टात जाऊन आपण या योजनांचा लाभ घ्यावा व सदर शिबिर हे तीन दिवस चालणार आहे असे ते म्हणाले या शिबिराचे आयोजन करण्यासाठी पोस्टाचे जनसंपर्क डाक निरीक्षक श्री नितीन बने व ॲडमिन डाक विभाग श्री अनिल खांडेकर यांनी या शिबिरासाठी मोलाचे सहकार्य करत आहेत. या कार्यक्रम प्रसंगी शाळेचे मुख्याध्यापक शिवाजीराव माने यांनी आपल्या प्रास्ताविकात सर्व पोस्टच्या कर्मचाऱ्यांचे स्वागत केले व निवेदन व आभार श्री दत्तात्रय जगताप यांनी केले . याप्रसंगी शाळेचा सर्व शिक्षक स्टाफ, कर्मचारी विद्यार्थी पालक मोठ्या संख्येने उपस्थित होते.
