आरटीई 25 टक्के ऑनलाईन लॉटरीव्दारे निवड झालेल्या यादीतील विदयार्थ्यांचे प्रवेशाबाबत या आहेत सूचना

महाराष्ट्र 14 न्यूज, (दि.१०जून) : राज्य शासनाने बालकांचा मोफत व सक्तीचे शिक्षणाचा हक्क अधिनियम 2009 चे कलम 12 ( 1 ) ( सी ) नुसार खाजगी विना अनुदानित / कायम विना अनुदानित / स्वयंअर्थसहाय्यिक शाळांमध्ये प्रवेश स्तरावर 25 टक्के जागा वंचित व दुर्बल घटकांतील बालकांसाठी राखीव ठेवण्याची तरतूद आहे . त्यानुसार शासन निर्णय व मा . प्राथमिक शिक्षण संचालनालय , महाराष्ट्र शासन , पुणे यांचे संदर्भिय पत्रातील तरतूदीनुसार पुणे जिल्हा अंतर्गत शैक्षणिक वर्ष सन 2021-2022 या वर्षासाठी पुणे जिल्हयामध्ये आरटीई अंतर्गत 25 टक्के प्रवेशातंर्गत 985 शाळांनी 14773 जागा असून 55813 अर्ज ऑनलाईन नोंदणीव्दारे भरलेले आहे .

सदर अर्जातून 14867 विदयार्थ्याची ऑनलाईन लॉटरीव्दारे निवड झालेली आहे . तरी निवड झालेल्या यादीतील विदयार्थ्यांचे प्रवेशाबाबत मा . शिक्षण संचालक ( प्राथमिक ) , महाराष्ट्र शासन पुणे . यांनी काही सूचना केल्या आहेत.

▶️अशा आहेत सूचना :-

1) सन 2021-22 या वर्षाची आरटीई 25 टक्के ऑनलाईन प्रवेश प्रक्रिया दि .11 / 06 / 2021 पासून सुरू करण्यात यावी , जिल्हयातील कोरोना विषाणूचा प्रादुर्भाव लक्षात घेऊन प्रवेश प्रक्रिया सुरू करण्याबाबतचा निर्णय घेण्यात आला आहे .
2) निवडयादीतील विदयार्थ्यांना प्रवेशाकरीता 20 दिवसांचा कालावधी देण्यात यावा ,
3) कोरोना विषाणूचा प्रादुर्भाव लक्षात घेता पालकांनी शाळेत गर्दी करू नये . शाळांनी त्यांना आरटीई पोर्टलवर जी यादी प्राप्त झाली आहे . त्या यादीतील पात्र विदयार्थ्यांना प्रवेश घेण्यासाठीचा दिनांक आरटीई पोर्टलवर दयावा .

4) ज्या बालकांना लॉटरी लागली आहे त्यांच्या पालकांनी मुळ कागदपत्रे व छायांकित प्रती घेऊन शाळेत जाऊन आपल्या पाल्याचा तात्पुरता प्रवेश ( Provisional Admission ) निश्चित करावा . बरेच पालक शाळेत प्रवेश मिळावा यासाठी आरटीई प्रवेश फॉर्म भरताना चुकीचे अंतर दाखवतात त्यामुळे रहिवासी पत्याचा पुरावा ( Adress Proof ) इ . कागदपत्रांवरून शाळा व निवासी पत्त्याच्या अंतराची पडताळणी करावी , निवड यादीतील बालकांबाबत चुकीचे अंतर दाखविल्याचे निदर्शनास आल्यास शाळेने तात्पुरता प्रवेश देवू नये . अशा पालकांनी तालुकास्तरीय समिती / शिक्षणाधिकारी यांचेकडे अर्ज करावा . संबंधित पडताळणी समितीने आलेले अर्ज व तक्रारीची शाहनिशा करून प्रतिक्षा यादीतील बालकांचे प्रवेश सुरू होण्याआधी प्रवेश दयावा किंवा देवू नये , याबाबतचा आदेश शाळेला दयावा . सदरील आदेशाप्रमाणे शाळेन कार्यवाही करावी .

5) शुक्रवार , दिनांक 11 जून , 2021 पासून शाळांनी पालकांना प्रवेशाकरिता पोर्टलवर दिनांक दयाव्या आणि आरटीई 25 टक्के ऑनलाईन प्रवेश प्रक्रियेची कार्यवाही सुरू करावी . आरटीई 25 टक्के ऑनलाईन प्रवेश सुरू झाले आहेत अशा सूचना शाळेच्या प्रवेशाव्दारावर लावाव्यात .
6) कोरोना विषाणूचा प्रादुर्भाव व लॉकडाऊन या कारणांमुळे जे पालक प्रत्यक्षरित्या शाळेत प्रवेशासाठी येऊ शकत नाही अशा बालकांच्या पालकांनी विहित मुदतीत दूरध्वनीव्दारे , ई – मेलव्दारे , व्हॉटसअॅपवदारे शाळेत संपर्क करून प्रवेशाची कार्यवाही पूर्ण करावी .

7) निवड यादीतील विदयार्थ्यांच्या प्रवेश घेण्याचा कालावधी संपल्यानंतर शाळांमधील रिक्त जागांवर प्रतिक्षा यादी मधील विदयार्थ्यांना अनुक्रमे प्राधान्य देण्यात येईल . त्याबाबतच्या सविस्तर सूचना आरटीई पोर्टलवर दिल्या जातील .
8) सन 2021-2022 या वर्षाची आरटीई 25 टक्के ऑनलाईन प्रवेश प्रक्रिया सुरू झाली आहे . हे पालकांना समजण्यासाठी आपल्या स्तरावरून मोफत प्रसिध्दी दयावी .
9) कागदपत्र पडताळणी समितीने शाळेच्या मुख्याध्यापकांनी करावयाच्या कार्यवाहीबाबत लेखी स्वरूपात सूचना निर्गमित कराव्यात.

असे ज्योत्स्ना शिंदे प्रशासन अधिकारी पिंपरी चिंचवड मनपा यांनी कळविले आहे.