महाराष्ट्र 14 न्यूज, (दि.१७ डिसेंबर ) : पिंपळे सौदागर पि.के चौक ते कुंजीर चौक येथील जर्वरी सोसायटी समोरील रस्त्या चा प्रलंबित प्रश्न अखेर आमदार लक्ष्मण भाऊ जगताप यांच्या मार्गदर्शनाखाली नगरसेविका निर्मलाताई कुटे आणि नगरसेवक शत्रुघ्न उर्फ बापु काटे यांच्या पाठपुराव्याने यशस्वी रित्त्या मार्गी लागला आहे.
पि.के चौक ते कुंजीर चौक हा जर्वरी सोसायटी समोरील रस्ता गेली १० वर्षापासून या रस्त्याचे काम रखडले होते. सदर रस्त्याचे काम तातडीने मार्गी लागावे यासाठी जर्वरी सोसायटी मधील नागरीक,जेष्ठ नागरीक व महिला वर्गाने सतत नगरसेविका सौ.निर्मलाताई कुटे यांकडे पाठपुरावा केला तसेच नगरसेवक शत्रुघ्न काटे यांच्या माध्यमातून जागा मालकांना त्यांच्या जागेचा योग्य तो मोबदला मिळावा या प्रामाणिक हेतुने महापालिका आयुक्त व नगररचना विभागातील आधिकार्यांसमवेत बैठक घेतली. या बैठकीत सदर ठिकाणच्या जागा मालकांना देण्यात येणारा टी डी आर स्वरुपातील मोबदला मंजुर करण्यात आला .
आज गुरुवार दि.१७ डिसेंबर रोजी नगरसेविका सौ.निर्मलाताई कुटे आणि नगरसेवक श्री.शत्रुघ्न बाप्पु काटे यांनी सदर रस्त्याच्या जागा मालकांसमवेत बोलणी करून त्यांच्या उपस्थितीत रस्त्यास अडथळा ठरत असलेले बांधकाम हटविण्यात आले. त्यामुळ स्मार्ट सिटी अंतर्गत येथील १८ मीटरचा सीमेंट कॉंक्रिट चा पक्का रस्ता व प्रशस्त फुटपाथ लवकरच पुर्ण होईल. जागा मालकांनी सामंजस्याने चर्चेस प्रतिसाद देऊन सहकार्य केल्याबद्दल त्यांचेही नगरसेविका सौ.निर्मलाताई कुटे व नगरसेवक श्री.शत्रुघ्न काटे यांच्या वतीने आभार व्यक्त करण्यात आले.
12 Comments