महाराष्ट्र 14 न्यूज : नराधमांच्या क्रूरतेची शिकार झालेली दिल्लीच्या पश्चिम विहारमधील १२ वर्षांच्या मुलीची स्थिती नाजूक झाली आहे. या मुलीवर दिल्लीतील एम्समध्ये उपचार करण्यात येत आहे. आता तीला न्यूरोसर्जरीच्या आयसीयूमध्ये दाखल केलं गेलंय. या मुलीला व्हेंटिलेटवर ठेवण्यात आलंय. तिच्या प्लेटलेट कमी झाल्या आहेत. प्लेटलेटमध्ये सुधारणा झाल्यानंतर तिच्यावर शस्त्रक्रिया होऊ शकते.
या प्रकरणी दिल्लीतील एका कोर्टाने पीडितेच्या कुटुंबाला दोन लाख रुपयांची अंतरिम भरपाई देण्याचे आदेश दिले आहेत. दिल्ली स्टेट लीगल सर्व्हिसेस अथॉरिटीने (DSLSA) पीडितेच्या कुटुंबासाठी नुकसान भरपाई मिळावी म्हणून कोर्टात धाव घेतली होती. दिल्ली महिला आयोगाच्या वकिलांनी कोर्टात पीडित मुलीची बाजू मांडली. दुसरीकडे दिल्लीचे मुख्यमंत्री अरविंद केजरीवाल यांनी पीडित मुलीच्या कुटुंबासाठी १० लाख रुपयांची आर्थिक मदत जाहीर केली आहे. एम्समध्ये जाऊन त्यांनी पीडितेची प्रकृती जाणून घेतली.
‘लैंगिक अत्याचाराला बळी पडलेल्या १२ वर्षाच्या मुलीचे पालक आणि डॉक्टरांशी आपण फोनवर बोललो. आपण पीडित मुलीला पाहण्यासाठी हॉस्पिटलमध्ये गेले होतो. तिची मृत्युशी झुंज सुरू आहे. डॉक्टर त्यांचे सर्वोत्तम प्रयत्न करत आहेत. कृपया तिच्यासाठी प्रार्थना करा. दरम्यान, पोलिसांनी एका व्यक्तीला अटक केली आहे, असं केजरीवाल म्हणाले.पश्चिम विहार वेस्टच्या पिरागढी येथे याच आठवड्यात मंगळवारी १२ वर्षांच्या अल्पवयीन मुलीवर निर्भयासारखा अत्याचार केला गेला. या प्रकरणी पोलिसांनी कृष्णा ( ३३ वय ) नावाच्या आरोपीला अटक केली आहे. सीसीटीव्ही फुटेजवरून पोलिसांना आरोपींविषयी सुगावा लागला.
पीडित मुलगी घरात असताना एकटी असताना नराधम आरोपीने तिच्यावर अत्याचार केला. मुलीने तिने विरोध केल्यावर आरोपींनी तिच्या डोक्यावर कात्रीने वार केले आणि पोटात कात्रीने भोसकलं. एवढचं नाही तर निर्भयासारखंच तिच्यावर वार केले. आरोपीने बलात्कारानंतर मुलीची हत्या करण्याचा प्रयत्न केला. रक्तभंबाळ झालेल्या मुलगी मेल्याचा समजून तो तिथून पळून गेला.मुलीवर काय प्रसंग बेतला असेल याचा अंदाज करता येऊ शकतो. बराच वेळ बेशुद्ध अवस्थेत असलेल्या पीडित मुलीला शुद्ध आल्यानंतर तिला चालताही येत नव्हतं. मोठ्या प्रयत्नांनी ती घराबाहेर फरफट फरफट आली. तिने शेजाऱ्यांचे दार ठोठावले आणि इशाऱ्यांनी आपली स्थिती सांगत बेशुद्ध झाली. त्याच्या गुप्तांगातून रक्त वाहत होतं. तिची परिस्थिती पाहून शेजारी ही घाबरले. त्यांनी लगेच पोलिसांना कळवलं.
3 Comments