दिलासादायक : पिंपरी चिंचवड शहरात कोरोनाच्या रुग्ण संख्येत झाली घट … मृत्यूचे प्रमाण देखील झाले कमी!

महाराष्ट्र 14 न्यूज : पिंपरी चिंचवड महानगरपालिका वैद्यकीय विभागाने दिलेल्या माहितीनुसार आज सोमवार ( दि. २८, डिसेंबर २०२० ) रोजी पिंपरी चिंचवड शहरातील ५८ रुग्णांचा तपासणी अहवाल कोरोना पॉझिटीव्ह आला असून या सर्वांवर पिंपरी चिंचवड मनपा रुग्णालयात उपचार सुरू आहेत. तर १७२ रुग्ण हे कोरोना मुक्त झाल्याने त्यांना घरी सोडण्यात आले आहेत.

शहरात रुग्णांची संख्या घटत असताना मृत्यूचे प्रमाण देखील कमी झाले आहे. गेल्या २४ तासामध्ये पिंपरी चिंचवड शहरात पिंपरीतील ६३ वर्षीय एका रुग्णाचा मृत्यू झाला आहे.

पिं.चिं.म.न.पा. मार्फत सर्व नागरिकांना आवाहन करण्यात येते की , अत्यावश्यक कारणाशिवाय घराच्या बाहेर पडू नये . तसेच घराबाहेर पडताना मास्क चा वापर करावा.