महाराष्ट्र 14 न्यूज : पिंपरी चिंचवड शहरात कोरोनाच्या रुग्णांनी आजपर्यंतचा उच्चाक मोडत आज कहरच केला. नागरिक घराबाहेर फिरताना काळजी घेत नाहीत, तसेच पॉझिटिव्ह रुग्ण अगदी बिनधास्त फिरत आहेत. त्यामुळे आयुक्तांनी आज कारवाई करण्याचे आदेश दिले आहेत.
पिंपरी चिंचवड महानगरपालिका वैद्यकीय विभागाने दिलेल्या माहितीनुसार आज शुक्रवार ( दि.१२ मार्च २०२१ ) रोजी ८५८ महानगरपालिका रुग्णालयात बाधित रुग्णांवर उपचार सुरू आहेत, यातील पिंपरी चिंचवड शहरातील ८५५ रुग्णांचा तपासणी अहवाल कोरोना पॉझिटीव्ह तर शहराबाहेरील ०३ रुग्णांचा अहवालात कोरोना पॉझीटीव्ह आला या सर्वांवर पिंपरी चिंचवड मनपा रुग्णालयात उपचार सुरू आहेत. तर ४७६ रुग्ण हे कोरोना मुक्त झाल्याने त्यांना घरी सोडण्यात आले आहेत.
पिंपरी चिंचवड शहरातील प्रभाग निहाय कोविड बाधित रुग्ण संख्या
अ – १२८
ब – १६९
क – ९९
ड – १२२
इ – ९८
फ – ९८
ग – ८०
ह – ६१
एकुण – ८५५
पिंपरी चिंचवड हद्दीमधील आज मृत झालेले रुग्ण हे ०४ पुरुष – मोशी (७९ वर्षे), पिंपळे गुरव (६५ वर्षे), पिंपळे सौदागर (६५ वर्षे), फुगेवाडी ( ७२ वर्षे) येथील रहिवासी आहेत.
पिं.चिं.म.न.पा. मार्फत सर्व नागरिकांना आवाहन करण्यात येते की , अत्यावश्यक कारणाशिवाय घराच्या बाहेर पडू नये . तसेच घराबाहेर पडताना मास्क चा वापर करावा. मास्क, सुरक्षित अंतर आणि वेळोवेळी हात धुवण्याने करोना संसर्ग होत नाही हे सिद्ध झाले आहे. त्यामुळे घरातून बाहेर पडताना मास्क वापरणे आणि सुरक्षित अंतर ठेवणे बंधनकारक आहे.
7 Comments