महाराष्ट्र 14 न्यूज, दि. २४ मे – पिंपरी चिंचवड महानगरपालिकेच्या वतीने केंद्रशासन व राज्य शासनाच्या सहकार्याने राबविण्यात येत असणाऱ्या प्रधानमंत्री आवास योजनेमध्ये लाभार्थी ठरलेल्या व प्रथम स्वहीस्सा रक्कम भरलेल्या चऱ्होली प्रकल्पातील लाभार्थ्यांना पुढील ४०% आणि बोऱ्हाडेवाडी प्रकल्पातील पात्र लाभार्थ्यांना ८०% स्वहिस्सा रक्कम भरण्याची मुदत दि.३१ मे २०२२ पर्यंत वाढविण्यास मा. आयुक्त तथा प्रशासक, पिंपरी चिंचवड महानगरपालिका, पिंपरी- ४११०१८ यांनी मान्यता दिली असून या मुदतीत लाभार्थ्यांनी आपली स्वहीस्सा रक्कम भरावी असे आवाहन करण्यात आले आहे.
तरी प्रधानमंत्री आवास योजनेमध्ये चऱ्होली ४०% आणि बोऱ्हाडेवाडी ८०% स्वहीस्सा रक्कम भरण्यासाठी पात्र लाभार्थ्यांनी पिंपरी चिंचवड महानगरपालिकेच्या झोपडपट्टी निर्मुलन व पुनर्वसन विभागामध्ये चलन प्राप्त करून दि. ३१ मे २०२२ पर्यंत स्वहिस्सा रक्कम भरावी, अन्यथा लाभ रद्द करण्यात येणार आहे.
अधिक माहितीसाठी पिंपरी चिंचवड महानगरपालिकेच्या झोपडपट्टी निर्मुलन व पुनर्वसन विभागाचे मा. सहाय्यक आयुक्त आण्णा बोदडे यांच्या कार्यालयाशी संपर्क साधावा. या बाबतची माहिती व निवड झालेल्या लाभार्थ्यांच्या नावाची यादी झोपडपट्टी निर्मुलन व पुनर्वसन विभाग – २०५ व्यापारी संकुलन, भाजी मंडई शेजारी, चाफेकर चौक, चिंचवडगाव, पुणे- ४११०३३ या कार्यालयाच्या दर्शनी भागावर नागरीकांकरीता सुचना फलकावर लावण्यात आलेली आहे. तरी दि. ३१ मे २०२२ रोजी पर्यंत लाभार्थ्यांनी स्वहिस्सा रकम भरावी असे आवाहन करण्यात येत आहे.