महाराष्ट्र 14 न्यूज : दिनांक १९ फेब्रुवारी राजाधिराज छत्रपती शिवरायांचा जन्मदिवस ‘ छत्रपती शिवाजी महाराज या नावात अख्खा महाराष्ट्र सामावलेला आहे . सह्याद्रीचे कडेकपार , दरी , डोंगर जेवढ्या वळणघाटाने युक्त तेवढाच शिवबा ते छत्रपती शिवाजी हा संपूर्ण प्रवास व्यापलेला आहे . अगदी इतिहास , भूगोल , समाजशास्त्र , नागरिक शास्त्र , अर्थशास्त्र असे कित्येक विषय या एकाच व्यक्तिमत्वाभोवती गुंफलेले आहेत .
अठरापगड समाजातील प्रत्येकाला आपल्या छत्रछायेत विशिष्ट स्थान देणारा एकमेव नेता म्हणून आजही त्यांचीच छबी राजकीय पटलावर आहे . दूरदृष्टी , साहसी वृत्ती , माणसांच्या गुणांची कदर आणि न्यायाची चाड या चतुर्भूजांसह शत्रूला नामोहरम करणारा हा राजा . बालसवंगड्यांसमवेत विटीदांडू खेळण्याच्या वयात रायरेश्वराला ज्यानं स्वराज्याची शपथ घेतली तो आदर्श प्रत्येक कोवळ्या मनाने घ्यायला हवा . तलवारीच्या पात्यांची धार दुर्ग , जलदुर्गांमध्येही तळपवण्याची सळसळ शालेय मावळ्यांत निर्माण व्हावी आणि म्हणूनचअशा या थोर राजाचा जन्मदिवस आपण आपल्या घरात तसेच सोसायटी परिसरात साजरा करावा असे आवाहन आमदार महेश लांडगे यांनी केले आहे.
3 Comments