महाराष्ट्र 14 न्यूज,( दि. ३० मार्च ) : महाराष्ट्र शासनाने कोरोना विषाणूचा ( Covid – 19 ) प्रादुर्भाव रोखण्यासाठी राज्यात साथरोग प्रतिबंधात्मक कायदा १८९७ हा दि .१३ मार्च २०२० पासून लागू केलेला असून तशी अधिसूचना निर्गमित केली आहे . कोरोना विषाणूचा प्रसार रोखण्यासाठी व पॉझीटीव्ह रुग्णांची झपाटयाने होणारी वाढ विचारात घेता महानगरपालिका स्तरावर खालील प्रतिबंधात्मक उपाययोजना करण्यात येत आहेत .
१. प्रतिबंधात्मक उपाययोजनेचा भाग म्हणून नागरिकांची एका ठिकाणी होणारी गर्दी टाळण्यासाठी पिपरी चिंचवड महानगरपालिका मुख्य प्रशासकीय इमारतीत / विविध क्षेत्रीय कार्यालयांत / विभागीय कार्यालयात येणा – या अभ्यांगत / नागरीकांना ( निर्वाचित सदस्य , पदाधिकारी वगळून ) अत्यावश्यक काम वगळता कार्यालयात येण्यास प्रतिबंध करण्यात येत आहे . तथापि , बैठकी करीता निमंत्रित केलेल्या नागरिकांना संबंधित विभाग / कार्यालय प्रमुख यांनी प्रवेश पत्र देण्याची व्यवस्था करावी .
२. अभ्यांगत / नागरिक इ . यांनी प्रत्यक्ष कार्यालयात न येता आपले म्हणणे / तक्रारी / सुचना ह्या लेखी स्वरुपात ई – मेल व्दारे सोबत जोडलेल्या यादीनुसार त्या – त्या विभागास पाठवीणेत याव्यात ,
३. पिंपरी चिंचवड महानगरपालिका मुख्य इमारत / विविध क्षेत्रिय कार्यालये / विभागीय कार्यालये यांनी त्यांचेकडील अत्यंत तातडीचे टपाल , संदेश हे ई – मेल व्दारे पाठविण्यात यावेत .
४. करसंकलन विभागीय कार्यालये व क्षेत्रीय कार्यालयातील करभरणा विषयक कामकाज वगळता महानगरपालिका अधिनस्त सर्व कार्यालयांमध्ये नागरीक , ठेकेदार व इतरांना प्रवेश निषिध्द करण्याचे आदेश देत आहे .
५. महाराष्ट्र शासन सामान्य प्रशासन विभागाकडील परिपत्रक क्र . समय २०२० / प्र.क्र .३५ / १८ ( रवका ) दि .५ जुन २०२० अन्वये शासनाने लॉकडाऊनच्या अनुषंगाने राज्यात शासकीय कामकाजासाठी ई – मेल व व्हॉट्सअपचा वापर ग्राहय धरण्याबाबत सूचना निर्गमित केलेल्या असून नागरीक , ठेकेदार व इतर यांनी महानगरपालिका सेवेशी संबंधित कामकाजाकरीता ई – मेल व व्हॉट्सअपचा वापर करावा . वरील माध्यमांव्दारे प्राप्त अर्ज , निवेदने , तक्रारींबाबत संबंधित विभागांनी त्वरीत कार्यवाही करुन त्याच माध्यमांव्दारे संबंधितास कळविण्यात यावे .
असे आयुक्त राजेश पाटील पिंपरी चिंचवड महानगरपालिका , पिंपरी यांनी कळविले आहे.
5 Comments