महाराष्ट्र 14 न्यूज, (दि. २९ जुलै) : दिव्यांग व्यक्तींना मुख्य प्रवाहात आणण्याच्या दृष्टीने आमदार लक्ष्मण जगताप यांनी महत्वाचे पाऊल उचलले, शंकर पांडुरंग जगताप यांच्या संकल्पनेतून चंद्ररंग चॅरिटेबल ट्रस्ट , इनलॅक्स बुधराणी हॉस्पिटल यांच्या संयुक्त विद्यमाने उपमुख्यमंत्री देवेंद्र फडणवीस यांच्या वाढदिवसानिमित्त ” मोफत कृत्रिम हात व पाय ( जयपूर फूट ) बसविण्याचे शिबिराचे पिंपळे गुरव येथे आयोजन करण्यात आले होते. यात अपंगांना जयपूर फूटचे मोफत वाटप करण्यात आले.
दिव्यांसाठी मोफत सहाय्यक साधने वाटप आणि तपासणी शिबीराचे उद्घाटन माजी नगरसेवक तसेच भाजपचे चिंचवड विधानसभा निवडणूक प्रमुख शंकर जगताप यांच्या हस्ते नुकतेच पार पडले, यावेळी माजी महापौर माई ढोरे, जिल्हा शैल्य चिकित्सक डॉ. नांदूरकर, माजी पक्षनेते नामदेव ढाके, माजी नगरसेवक शशिकांत कदम, भाजप महिला मोर्चा अध्यक्षा उज्वला गावडे, उषाताई मुंढे, महेश जगताप, सागर अंगोळकर, आरतीताई चौधे, श्रीगणेश सहकारी बँकेचे अध्यक्ष संजय जगताप, दिलीप तनपुरे, माऊली जगताप,विनोद तापकीर, सखाराम रेडेकर, रमेश काशीद, शशिकांत दुधारे, अमर आदियाल, राहुल जवळकर, राजू (शशिकांत) नागणे, योगेश चिंचवडे, संदीप दरेकर, शेखर चिंचवडे, राजेंद्र शिंत्रे, संजय मराठे, गणेश बनकर, माजी नगरसेविका अश्विनी चिंचवडे, निर्मला कुटे, , कोमल गौंडाळकर, ज्योती कोळी युवा मोर्चा शहराध्यक्ष संकेत चोंधे आणि भाजपचे पदाधिकारी व कार्यकर्ते उपस्थित होते.
या शिबीरात सहभागी अपंगांची तज्ज्ञ डॉक्टरांद्वारे तपासणी करून त्यांना कृत्रिम पाय किंवा बसवणे शक्य असेल त्यांच्या पायाचे मोजमाप करून त्यानुसार संबंधित अपंगांना जयपूर फूट बसवण्यात आले. शिबीरात ३१४ अपंगांच्या आयुष्यात आनंद पसरविण्याचे महान कार्य चंद्ररंग चॅरिटेबल ट्रस्टच्या माध्यमातून आमदार लक्ष्मण जगताप आणि शंकर जगताप या बंधूंनी केले. शिबीरात सहभागी झालेल्या १८६ अपंगांना जयफूर फूट मोफत बसवण्यात आले. त्याचप्रमाणे ८५ अपंगांना कॅलिपर्स, २८ अपंगांना व्हिलचेअर आणि १५ अपंगांना ट्रायसिकलचे मोफत वाटपयावेळी करण्यात आले. यावेळी शहराच्या विविध भागांतील दिव्यांगानी याचा लाभ घेतल्याचे दिसून आले.
कोरोनाचा दोन वर्षांचा काळ हा आपल्या सर्वांसाठी संकटाचा होता. कोरोनामुळे अनेकांना आपल्या जवळची माणसे गमवावी लागली. अनेकांचे संसार या काळात उद्ध्वस्त झाले. आर्थिक घडी सर्वांची बिघडली. मात्र, या काळात काही लोकांनी अनेकांना आधारही देण्याचे काम केले, त्यात चिंचवड विधानसभा मतदार संघाचे आमदार ‘लक्ष्मण जगताप‘ यांचा सिंहाचा वाटा होता. याकाळात त्यांनी अनेक अपंगांना मदतीचा हात दिला, तसेच महानगरपालिका व शासनाच्या विविध योजनांच्या माध्यमातून मदत देखील केली. तसेच दरवर्षी मोफ़त आरोग्य शिबीर, आषाढी वारीत वारकऱ्यांची आरोग्य सेवा त्यामुळे “आरोग्य सेवा म्हणजे आमदार लक्ष्मण जगताप” असे समीकरणच तयार झाले आहे.