महाराष्ट्र 14 न्यूज, ( दि. १२जानेवारी ) : स्वामी विवेकानंद आणि राजमाता जिजाऊ जयंती निमित्त युवा दिनाचे औचित्य साधून भारतीय जनता युवा मोर्चा भोसरी चऱ्होली मंडल यांच्या वतीने पदनियुक्ती व युवा पुरस्काराचा वितरण सोहळा दिघी येथील राघव मंगल कार्यालय या ठिकाणी संपन्न झाला.
त्यावेळी कार्यक्रमासाठी भारतीय जनता पार्टी शहराध्यक्ष आमदार श्री महेश दादा लांडगे,दत्तात्रय आबा गायकवाड तसेच नगरसेविका निर्मला ताई गायकवाड, हिराबाई नानी घुले, नगरसेवक राजेंद्र लांडगे, उत्तम केंदळे,विकास डोळस तसेच भारतीय जनता युवा मोर्चा शहराध्यक्ष संकेतजी चोंधे आणि सरचिटणीस नरसेवक दिनेशजी यादव उपस्थित होते.
उपस्थितांचे स्वागत मंडलाध्यक्ष श्री उदय गायकवाड यांनी केले तर संकेतजी चोंधे यांनी प्रास्ताविक करून कार्यक्रमाची सुरुवात झाली. यावेळी राजमाता जिजाऊ पुरस्कार २०२१ हा सौ सुवर्णा सुखदेव वानखेडे याना प्रदान करण्यात आला.आणि युवा पुरस्कार २०२१ हा विराज लांडगे,जय वाळके,प्रदीप सणस या राष्ट्रीय खेळाडू आणि महादेव काकडे आणि यशवंत मगदूम याना प्रदान करण्यात आला.
संघटन करण्यासाठी व राष्ट्रोन्नतीसाठी युवा शक्तीचं योगदान फार महत्वाचे आहे असे मार्गदर्शन भारतीय जनता पार्टी अध्यात्मिक आघाडी प्रदेश कार्यकारिणी सदस्य श्री दत्तात्रय आबा गायकवाड यांनी केले.त्याचप्रमाणे युवांचे प्रेरणास्थान आमदार महेश दादा लांडगे यांनी मार्गदर्शन केले. नंतर या कार्यक्रमाची सांगता श्री शिवराज सुदाम लांडगे यांनी आभार व्यक्त करून केली.
6 Comments