राष्ट्रवादी युवक काँग्रेसचे पिंपरी चिंचवड शहर कार्याध्यक्ष शाम जगताप यांच्या वतीने … पिंपळे गुरव परिसरात २० हजार नागरिकांना दिनदर्शिका वाटप

महाराष्ट्र 14 न्यूज, दि.०४ जानेवारी : पिंपळे गुरव परिसरात सामाजिक क्षेत्रात अग्रगण्य असणाऱ्या व जनसामान्यांच्या अडीअडचणी सोडविण्यासाठी २४ x ७ कार्यरत असणाऱ्या राष्ट्रवादी युवक काँग्रेसचे पिंपरी चिंचवड शहर कार्याध्यक्ष शाम जगताप यांच्या वतीने सालाबादप्रमाणे यंदाही दिनदर्शिका प्रकाशित करण्यात आली आहे. नुकतेच या दिनदर्शिकेचे प्रकाशन चिंचवड विधानसभेचे आमदार श्री. शंकरशेठ जगताप व पिंपरी चिंचवड राष्ट्रवादी काँग्रेस पक्षाचे श्री. विठ्ठल उर्फ नाना काटे यांच्या हस्ते करण्यात आले.

याप्रसंगी माजी नगरसेविका सौ. सुषमाताई तनपुरे, राष्ट्रवादी काँग्रेस पक्षाचे उपाध्यक्ष श्री. तानाजी जवळकर, श्री. नवनाथ जांभूळकर, श्री. मच्छिंद्र काटे, श्री. मनीष कुलकर्णी, श्री. दत्ता कदम, पै. संकेत विधाते, पै. हिमांशू जगताप, पै. शुभम पिंपळे, पै. अमन दळवी, पै. रोहन पवार आदी मान्यवर उपस्थित होते. दिनविशेष, पंचांग यांचा समावेश असलेल्या या दिनदर्शिकेचे पिंपळे गुरव परिसरातील २० हजार नागरिकांना घरोघरी जाऊन वाटप करण्यात येत आहे. एवढ्या मोठ्या प्रमाणात दिनदर्शिका वाटप करण्यात येत असल्याबद्दल पिंपळे गुरव परिसरामधील नागरिकांकडून शाम जगताप यांचे कौतुक केले जात आहे.

शाम जगताप युवा मंचच्या माध्यमातून विविध सामाजिक उपक्रम सातत्याने राबवून जनतेच्या हितासाठी आपण कटिबद्ध असल्याची ग्वाही यावेळी शाम जगताप यांनी दिली.
सदर दिनदर्शिका दर्जेदार कागद व आकर्षक रंगसंगतीमध्ये दिनदर्शिकेची छपाई करण्यात आल्याने ती उठावदार व आकर्षक दिसून येत आहे. दिनदर्शिकेत वाचनीय व माहितीपूर्वक गोष्टींची माहिती तसेच शाम जगताप यांच्या सामाजिक कार्याची व विकास कामांची माहिती देण्यात आली आहे. शाम जगताप हे दरवर्षी दिनदर्शिका प्रकाशित करीत असतात. दरवर्षी या दिनदर्शिकेची परिसरातील नागरिक आतुरतेने वाट पाहत असतात. याही वर्षी त्यांनी २०२५ च्या दिनदर्शिकाचे प्रकाशन चिंचवड विधानसभेचे आमदार श्री. शंकरशेठ जगताप व पिंपरी चिंचवड राष्ट्रवादी काँग्रेस पक्षाचे श्री. विठ्ठल उर्फ नाना काटे यांच्या हस्ते केले आहे. जवळपास वीस हजार दिनदर्शिकेचे वाटप परिसरात करण्यात आले. याप्रसंगी उपस्थित सर्व मान्यवरांनी शाम जगताप यांच्या कार्यास शुभेच्छा दिल्या.