Google Ad
Editor Choice Health & Fitness

माझं आरोग्य : फिट राहायचंय ? तर मग आहार आणि व्यायामाचं असं करा नियोजन!

महाराष्ट्र 14 न्यूज : माझं आरोग्य
आहार घेणं क्लिनिकल एक्सरसाइज , लाइफस्टाइल अँड वेट मॅनेजमेंट एक्सपर्ट नियमित व्यायाम करत असाल , तर शरीराच्या गरजा निराळ्या असतात . खर्च होणाऱ्या कॅलरी भरून काढण्यासाठी व्यवस्थित व्यायाम करणं गरजेचं आहे . तुम्ही नीट खाल्लं नाही , तर शरीर व्यायाम करताना साथ देणार नाही . वर्कआउट यशस्वी रीतीनं पूर्ण करण्यासाठी आपण काय खातोय याकडे लक्ष देणंही तितकंच महत्त्वाचं आहे . कर्बोदकं आणि प्रथिनंयुक्त आहार घेतला , तरच तुम्ही पूर्ण ताकदीनं व्यायाम करू शकाल . व्यायाम आणि आहारामधूनच फिटनेस राखता येतो .

पोळी , भात , पास्ता , ब्रेड , फळं आणि सर्व प्रकारच्या भाज्या . प्रथिनं ( प्रोटीन ) कशातून मिळतात ? मटण , चिकन , मासे , अंडी , सोया आणि सर्व दुग्धजन्य पदार्थ ( कंबरपट्ट्याची गरज कधीच भासू नये , यासाठी करा हे सोपे व्यायाम प्रकार ) कर्बोदकं अतिशय महत्त्वाची ! कर्बोदकं शरीराला ऊर्जा देण्याचं काम करतात . खेळाडूंसाठी कर्बो दकंयुक्त आहार घेणं अतिशय महत्त्वाचं आहे . प्रथिनं कर्बोदकांबरोबर काम करत शरीर अधिक सुदृढ आणि आरोग्यदायी बनवतं . तुम्ही वेट ट्रेनिंग घेत असाल , तर शरीराला जास्त प्रमाणात प्रथिनांची आवश्यकता असते ; पण अति प्रमाणात प्रथिनांचं सेवन केल्यास शरीराला त्रास होऊ शकतो . अति प्रमाणात प्रथिनं शरीरात गेल्यास किडनीशी निगडित समस्या उद्भवू शकतात . व्यायाम करताना शरीर ऊर्जादायी असणं आवश्यक आहे . त्यामुळे व्यायाम करण्याअगोदर दोन – तीन तास पोटभर खाऊन घ्या . म्हणजे व्यायाम करताना शरीर क्रियाशील आणि मन उत्साही राहील . सर्व त- हेची पोषणतत्त्वं असलेला आहार घेणं अतिशय महत्त्वाचं आहे . ओट्स , चिकन सँडविच , सलाड सँडविच , पास्ता , दूध किंवा व्हीट ब्रेड हे अतिशय उत्तम पर्याय ठरू शकतात .

Google Ad

.. व्यायाम करण्याआधी खूप खाल्लं , तर वर्कआउट करताना आळस येऊ शकतो ; पण काहीही न खाता व्यायाम केला , तरीही त्याचा हवा तो परिणाम साधता येणार नाही . व्यायाम करण्याच्या एक तास अगोदर शक्यतो काहीही खाणं टाळावं , कारण पचनक्रिया सुरू असताना व्यायाम करणं अवघड जातं . लगेचच भरल्यापोटी व्यायाम करणंही जड जातं . कर्बोदकं आणि प्रथिनं यांचं ४ : १ अशा प्रमाणात व्यायामानंतर आहार घ्यावा . खर्च झालेली ऊर्जा भरून निघण्यासाठी काही तरी खाणं अतिशय महत्त्वाचं आहे . व्यायाम केल्यानंतर ४५ मिनिटांच्या आत तुम्ही खायला हवं . ही पोषणतत्त्वं शोषून घेण्यासाठीची सर्वोत्तम वेळ असते . वर्कआउटनंतर सफरचंद , केळं आणि सुकामेवा असा पौष्टिक आहार घेण्यास प्राधान्य द्या . बिस्किटं , चॉकलेट आणि कँडी असं अर्बटसरबट खाणं टाळावं . व्यायाम करताना घाम येतो आणि शरीरातील पाण्याचं प्रमाण कमी होतं . त्यामुळे शरीरातील पाण्याचा समतोल राखण्यासाठी पाणी पिणं गरजेचं आहे . व्यायाम करण्याआधी , करताना आणि केल्यावर पाणी प्यायला हवं . एक तासापेक्षा जास्त वेळ सचोटीनं नियमित व्यायाम करत असाल , तरच स्पोर्ट्स ड्रिंक्स म्हणजे विशेष पेयं घेण्याला प्राधान्य द्या . साठ मिनिटांपेक्षा कमी वेळ व्यायाम करत असाल , तर | स्पोर्ट्स ड्रिंक्सची आवश्यकता नाही . स्पोर्ट्स ड्रिंक्स खेळाडूंसाठी तयार केलेली असतात . त्यात इलेक्ट्रॉलाइट्सचं ( सोडियम आणि पोटॅशियम ) प्रमाण जास्त असतं .

-नमिता जैन

Tags
Google Ad

Featured

Advertisement 1

Advertisement 2

Advertisement 3

Advertisement