२५ मे रोजी पिंगळे गुरव निळू फुले नाट्यगृहात रंगणार, … स्वातंत्र्यवीर सावरकरांच्या १४० व्या जयंती निमित्त … स्वातंत्र्यवीर सावरकर वीरभूमी परिक्रमा सप्ताहातील एक कार्यक्रम म्हणजे … ” शब्द, संगीत व काव्यातून उलगडलेले एक ओजस्वी जीवनदर्शन…!”

हिंदुत्व सोडून इंद्रपद जरी मिळत असेल तरी पहिला हिंदुत्वद्रोही होऊन इंद्रपदी विराजमान होण्यापेक्षा अखेरचा हिंदुत्वनिष्ठ म्हणून लढता-लढता मरण पत्करणे योग्य ठरेल.-स्वातंत्र्यवीर सावरकर

महाराष्ट्र 14 न्यूज, (दि.२३ मे) : स्वातंत्र्यवीर सावरकरांच्या १४० व्या जयंती निमित्त राज्याचे पर्यटनमंत्री मंगलप्रभात लोढा यांच्या संकल्पनेतून महाराष्ट्र शासन पर्यटन विभाग, संस्कार भारती व विवेक व्यासपीठ यांच्या संयुक्त विद्यमाने २१ ते २८ मे या कालावधीत ‌स्वातंत्र्यवीर सावरकर वीरभूमी परिक्रमा सप्ताह आयोजित केला आहे. याच सप्ताहातील एक कार्यक्रम गुरुवार दि. २५ मे २०२३ निळू फुले नाट्य मंदिर, पिंपळे गुरव वेळ सायं. ६.३० वाजता विनामूल्य आयोजित करण्यात आला आहे. या सप्ताहाअंतर्गत विविध माध्यमातून सावरकर विचारांचा जागर करण्यात येणार आहे.

” शब्द, संगीत व काव्यातून उलगडलेले एक ओजस्वी जीवनदर्शन…!” तेजोनिधी सावरकर या कार्यक्रमास अश्विनीताई लक्ष्मणभाऊ जगताप आमदार चिंचवड विधानसभा, ज्येष्ठ बासरीवादक पं. केशवजी गिंडे, शास्त्रीय गायक पं. सुधाकरजी चव्हाण यांची उपस्थिती लाभणार आहे.

तर या कार्यक्रमाची निर्मिती संकल्पना- मिलिंद कांबळे, निवेदन- रविंद्र खरे गायक आनंद तेलंग, अभयसिंह वाघचौरे, मिलिंद कांबळे, मिता वैद्य कानडे, स्वराली लेले, मधुरा तेलंग, शाहीर जालिंदर शिंदे साथसंगत हार्मोनियम- सोमनाथ जायदे, तबला-केदार तळणीकर, सिथेसायझर ओंकार पाटणकर, तालवाद्य- उद्धव कुंभार, बासरी – सिद्धांत कांबळे, नृत्य-मेघा कुलकर्णी व सहकारी यांनी केली असून ” शब्द, संगीत व काव्यातून उलगडलेले एक ओजस्वी जीवनदर्शन…!”तेजोनिधी सावरकर हा कार्यक्रम सर्वांसाठी विनामूल्य असणार आहे,.