कासारवाडीत माऊली प्रतिष्ठानतर्फे नमो चषक जिल्हास्तरीय पुरुष कबड्डी स्पर्धेचे आयोजन

महाराष्ट्र 14 न्यूज, (दि.१४ जानेवारी) : कासारवाडीतील माऊली प्रतिष्ठानतर्फे नमो चषक जिल्हास्तरीय पुरुष कबड्डी स्पर्धेचे आयोजन करण्यात आले आहे. त्याचे उद्घाटन राज्याचे माजी राज्यमंत्री मा. संजय उर्फ बाळा भेगडे, आमदार सौ. उमाताई खापरे आणि भाजप शहराध्यक्ष शंकर जगताप हस्ते शनिवारी संध्याकाळी झाले.

आजचे युवक हेच देशाचे वर्तमान व भविष्य आहेत. युवकांमध्ये संघ भावना व खिलाडीवृत्ती वाढीस लागावी यासाठी भारतीय जनता युवा मोर्चाच्या वतीने राज्यभरात “नमो चषक 2024” ही स्पर्धा आयोजित करण्यात आली आहे. यावेळी कबड्डीपटूंना शंकर जगताप यांनी स्पर्धेसाठी शुभेच्छा दिल्या.

यावेळी माजी महापौर सौ. उषा उर्फ माई ढोरे, प्राधिकरणाचे माजी अध्यक्ष श्री. सदाशिव खाडे, माजी सत्तारुढ पक्षनेते श्री. नामदेव ढाके, भाजपचे शहर सरचिटणीस श्री. राजू दुर्गे, माजी उपमहापौर श्री. केशव घोळवे, माजी नगरसेवक माऊली थोरात, सौ. शैला मोळक आदी उपस्थित होते.