चिंचवडच्या पोटनिवडणुकीत जगताप कुटुंबीयांच्याच सदस्याला भाजपकडून उमेदवारी देण्यात येणार : चंद्रकांत पाटील

महाराष्ट्र 14 न्यूज, (दि.२५ जाने.) : चिंचवड मतदार पोटनिवडणुकीबाबत आज पुण्याचे पालकमंत्री चंद्रकांत पाटील यांच्या उपस्थितीत आज बैठक पार पडली. या बैठकीला शहाराध्यक्ष महेश लांडगे, आमदार उमा खापरे, अश्विनी जगताप, शंकर जगताप आदी उपस्थितीत होते.

तसेच चिंचवडच्या पोटनिवडणुकीत जगताप कुटुंबीयांच्याच सदस्याला भाजपकडून उमेदवारी देण्यात येणार असल्याचं संकेत चंद्रकांत पाटील यांनी दिले आहे.

चिंचवड पोटनिवडणुकीकरीता उमेदवार कोण असावा, याचा निर्णय आमची भाजपची कोअर कमिठी करीत असते. त्यामुळे त्याच्यावर मी भाष्य करणार नाही. तुमच्या प्रश्नांमध्ये पिंपरी चिंचवड नागरिकांचं आणि भाजपच्या प्रत्येक कार्यकर्त्यांचं उत्तर आहे. तसेच लक्ष्मण जगताप यांच्या कुटूंबातीलच सदस्यांना उमेदवारी देण्याबाबत कुणाचं दुमत नसणार असं म्हणत चंद्रकांत पाटलांनी स्पष्ट संकेत दिले आहेत.

आजची जी बैठक पार पडली, या बैठकीत उमेदवाराबाबत कोणताही निर्णय घेतला नाही. उमेदवार ठरविण्याचा अधिकार भाजपच्या कोअर कमिठीला आहे. ही पोटनिवडणुक बिनविरोध व्हावी, यासाठी आम्ही प्रयत्न करणार आहोत. मात्र या निवडणुकीबाबत आम्ही गाफील राहणार नाहीत. त्यामुळे याची तयारी आम्ही सुरू केली आहे. असंही चंद्रकांत पाटील यांनी म्हटलं आहे.