महाराष्ट्र 14 न्यूज, (दि.२५ जानेवारी) : चिंचवड मतदार पोटनिवडणुकीबाबत आज पुण्याचे पालकमंत्री चंद्रकांत पाटील यांच्या उपस्थितीत आज बैठक पार पडली. खासदार श्रीरंग बारणे, भाजपचे शहराध्यक्ष आमदार महेश लांडगे, आमदार उमा खापरे, भाजपचे राज्य सरचिटणीस व पोटनिवडणूक प्रमुख मुरलीधर मोहोळ, रिपब्लिकन पार्टीच्या (आठवले गट) नेत्या चंद्रकांता सोनकांबळे, लक्ष्मणभाऊ जगताप यांच्या पत्नी अश्विनीताई जगताप, भाजपचे प्रदेश प्रवक्ते एकनाथ पवार, चिंचवड विधानसभा निवडणूक प्रमुख शंकर जगताप यांच्यासह भाजपचे व मित्र पक्षाचे सर्व पदाधिकारी उपस्थित होते.
तसेच चिंचवडच्या पोटनिवडणुकीत जगताप कुटुंबीयांच्याच सदस्याला भाजपकडून उमेदवारी देण्यात येणार असल्याचं संकेत चंद्रकांत पाटील यांनी दिले आहे.
चिंचवड पोटनिवडणुकीकरीता उमेदवार कोण असावा, याचा निर्णय आमची भाजपची कोअर कमिठी करीत असते. त्यामुळे त्याच्यावर मी भाष्य करणार नाही. तुमच्या प्रश्नांमध्ये पिंपरी चिंचवड नागरिकांचं आणि भाजपच्या प्रत्येक कार्यकर्त्यांचं उत्तर आहे. तसेच लक्ष्मण जगताप यांच्या कुटूंबातीलच सदस्यांना उमेदवारी देण्याबाबत कुणाचं दुमत नसणार असं म्हणत चंद्रकांत पाटलांनी स्पष्ट संकेत दिले आहेत.
आजची जी बैठक पार पडली, या बैठकीत उमेदवाराबाबत कोणताही निर्णय घेतला नाही. उमेदवार ठरविण्याचा अधिकार भाजपच्या कोअर कमिठीला आहे. ही पोटनिवडणुक बिनविरोध व्हावी, यासाठी आम्ही प्रयत्न करणार आहोत. मात्र या निवडणुकीबाबत आम्ही गाफील राहणार नाहीत. त्यामुळे याची तयारी आम्ही सुरू केली आहे. असंही चंद्रकांत पाटील यांनी म्हटलं आहे.
चिंचवड विधानसभा पोटनिवडणुकीसाठी भाजपमध्ये अनेकजण इच्छुक असले तरी त्या सर्वांशी शहराध्यक्ष महेश लांडगे हे संवाद साधतील. दिवंगत आमदार लक्ष्मणभाऊ जगताप यांच्यावर आणि त्यांच्या कुटुंबावर लोकांचे प्रेम आहे. त्यामुळे इच्छुकांचा विषय फार कठीण नाही. तसेच महाविकास आघाडीतील सर्व प्रमुखांशी संवाद साधून ही पोटनिवडणूक बिनविरोध करण्यासाठी आवाहन करणार असल्याचे पालकमंत्री व उच्च तंत्रशिक्षण मंत्री चंद्रकांत पाटील यांनी बुधवारी पत्रकार परिषदेत सांगितले.
महाराष्ट्र 14 न्यूज, (दि.०६ मे) : पिंपरी चिंचवड शहरातील सांगवी भागात गॅस चोरी करून काळ्या…
महाराष्ट्र 14 न्यूज, (दि.०६ मे) : लोकसभा निवडणुकीची धामधूम सुरू आहे. सत्ताधारी आणि विरोधक शेवटपर्यंत…
महाराष्ट्र 14 न्यूज, (दि.०४ मे) : बारामती लोकसभा मतदारसंघातील महाविकास आघाडीच्या उमेदवार सुप्रिया सुळे यांच्या…
महाराष्ट्र 14 न्यूज, (दि.०२ मे) : महाराष्ट्रातील 48 जागांपैकी 47 जागांवरील लढती कशा असतील हे…
महाराष्ट्र14 न्यूज, (दि.०२ मे) : लोकसभा सार्वत्रिक निवडणूक २०२४ अंतर्गत २०५ चिंचवड विधानसभा मतदारसंघामध्ये मा.निवडणूक…
महाराष्ट्र 14 न्यूज, (दि.०१ मे) : दिवांकुर संस्थेच्या वतीने गरजू विद्यार्थ्यांना मोफत शालेय साहित्य वाटप…