Categories: Uncategorized

मनपा टॅक्स भरण्यासाठी सांगवी कर संकलन कार्यालयासमोर रांगा … जेष्ठ नागरिकांनाउन्हाचा करावा लागतोय सामना

महाराष्ट्र 14 न्यूज, (दि.२३ मे) : पिंपरी-चिंचवड महापालिकेच्या (PCMC) कर संकलन व कर आकारणी विभागाने 2022-23 या आर्थिक वर्षात तब्बल 810 कोटी रुपयांची कर वसूल केला आहे. महापालिकेच्या 40 वर्षांच्या इतिहासात प्रथमच 810 कोटींचा टप्पा पार केला असून, हा एक माईलस्टोन ठरला आहे.

पिंपरी-चिंचवड महापालिकेच्या उत्पन्नाचा मालमत्ता कर प्रमुख स्त्रोत आहे. महानगरपालिका हद्दीत 5 लाख 97 हजार 487 मालमत्ता आहेत. 2023-24 या आर्थिक वर्षाचा कर (Property tax) भरण्यासाठी नागरिकांना कर पावत्या येत आहेत, मनपाने 31 जून पर्यंत टॅक्स मध्ये अनेक सवलती जाहीर केल्याने त्याचा लाभ घेण्याकरिता मालमत्ता धारकांनी कर संकलन केंद्रासमोर रांगा लावल्याचे दिसून येत आहे.

मालमत्ता कर वसुलीसाठी नागरीकांना मालमत्ता कराची बिल ऑनलाईन तसेच कर भरण्यासाठी ऑनलाईन व ऑफलाईन सुविधा उपलब्ध करून देण्यात आली. परंतु सवलत असतानाही सांगवी कर संकलन कार्यालयात अनेक नागरिक रांगेत दिसत आहेत, यात जेष्ठ नागरिकांचे प्रमाण अधिक आहे. या वर्षी उन्हाचा पारा अधिक वाढल्याने, एखाद्या नागरिकास उन्हाने काही त्रास होऊन एखादी घटना घडण्यागोदर या ठिकाणी नागरिकांना बसण्याची व पाण्याची व्यवस्था मनपा प्रशासनाने करावी अशी मागणी कर भरण्यासाठी येणारे नागरिक करत आहेत. तसेच कर भरणा करण्यासाठी असणारी जागा अपुरी असल्याने कर्मचाऱ्यांना ही अडगळीत काम करावे लागत असल्याचे दिसत आहे, तरी मनपाने बाजूला अनेक दिवस बंदअवस्थेत असणारी खोली त्यांना उपलब्ध करून दिली तर त्यांना काम करणे सुलभ होईल अशी मागणी करण्यात आली आहे.

मनपाच्या वतीने कर सवलत आणि तो भरण्यासाठी लागणारी माहिती याचे पत्रक छापले आहे, परंतु मनपा कर्मचारी ते नागरिकांना वाटून प्रभोधन करताना दिसत नाहीत. तसेच कर भरणा ऑफिस च्या दर्शनी भागात या विषयी माहिती लावणे गरजेचे असून ऑनलाइन कर भरताना सर्व्हरच्या येणाऱ्या अडचणी वरिष्ठांना सांगून दूर कराव्यात अशी मागणीही अनेक नागरिकांनी केली.

Maharashtra14 News

Recent Posts

पिंपरी चिंचवड शहरातील रक्षक चौक येथील सबवेच्या कामाला गती; विहीत मुदतीत काम पुर्ण करण्याचे महापालिकेचे नियोजन

महाराष्ट्र 14 न्यूज, दि. ३१ मार्च २०२५ - पिंपरी चिंचवड महापालिकेच्या वतीने सांगवी किवळे रस्त्यावर…

2 days ago

विधानसभेचं ‘उपाध्यक्षपद’ पिंपरीला … महायुतीकडून ‘अण्णा बनसोडे’ यांचा अर्ज दाखल

महाराष्ट्र 14 न्यूज, दि.२५ मार्च : आज मुख्यमंत्री देवेंद्र फडणवीस, उपमुख्यमंत्री अजित पवार यांच्या उपस्थितीत…

1 week ago

जीवनात प्रतिज्ञा महत्त्वाची : ज्ञानेश्वर महाराज कदम माजी आमदार विलास लांडे यांच्याकडून भंडारा डोंगर येथील मंदिर उभारणीसाठी एक कोटींची देणगी

महाराष्ट्र 14 न्यूज, ता. १६ :  जीवनात काही साध्य करायचे असेल तर त्यासाठी प्रतिज्ञा करणे महत्त्वाचे…

3 weeks ago

सदगुणांना प्रतिष्ठा मिळवून देण्याचे काम समाजाकडून झाले पाहिजे – स्वामी गोविंददेव गिरी महाराज

सदगुणांना प्रतिष्ठा मिळवून देण्याचे काम समाजाकडून झाले पाहिजे - स्वामी गोविंददेव गिरी महाराज तुकाराम महाराजांच्या…

3 weeks ago