Categories: Editor Choice

ज्ञानज्योती सावित्रीबाई फुले यांच्या जयंती निमित्त दि.३ जानेवारी रोजी “महिला शिक्षण दिन” साजरा करण्याच्या अनुषंगाने  विचार प्रबोधन पर्वाचे आयोजन

 

महाराष्ट्र 14 न्यूज, दि.३१ डिसेंबर २०२२:- महापालिकेच्या वतीने ज्ञानज्योती सावित्रीबाई फुले यांच्या जयंती निमित्त दि.३ जानेवारी २०२३ रोजी पिंपरी येथील सावित्रीबाई फुले स्मारक येथे “महिला शिक्षण दिन” साजरा करण्याच्या अनुषंगाने  विचार प्रबोधन पर्वाचे आयोजन करण्यात आले असून विविध प्रबोधनात्मक व सांस्कृतीक कार्यक्रमांचे आयोजन करण्यात आले आहे.  

           पिंपरी चिंचवड महापालिकेच्या वतीने ज्ञानज्योती सावित्रीबाई फुले यांच्या विचार व कार्याचा प्रचार प्रसार करण्यासाठी विचार प्रबोधन पर्वाचे आयोजन करण्यात आले आहे.  या प्रबोधन पर्वाचे उद्घाटन आयुक्त तथा प्रशासक शेखर सिह यांच्या हस्ते दि.३ जानेवारी २०२३ रोजी सकाळी ११ वाजता पिंपरी येथील सावित्रीबाई फुले स्मारक येथे होणार आहे. या कार्यक्रमाचे प्रमुख अतिथी महाराष्ट्र राज्याचे उच्च व तंत्र शिक्षणमंत्री तथा पुणे जिल्ह्याचे पालकमंत्री चंद्रकांत पाटील हे असणार आहेत. तर खासदार सुप्रिया सुळे, श्रीरंग उर्फ आप्पा बारणे, डॉ.अमोल कोल्हे , आमदार उमा खापरे, लक्षण जगताप , संग्राम थोपटे, अण्णा बनसोडे, महेश लांडगे यांची प्रमुख उपस्थिती राहणार आहे. या कार्यक्रमासाठी अतिरिक्त आयुक्त प्रदीप जांभळे पाटील, जितेंद्र वाघ, उल्हास जगताप यांच्यासह महापालिकेचे अधिकारी, कर्मचारी व नागरिक  उपस्थित राहणार आहेत.

            तत्पूर्वी महापालिकेच्या पिंपरी येथील मुख्य प्रशासकीय भवनात सकाळी १०.३० वाजता ज्ञानज्योती सावित्रीबाई फुले यांच्या प्रतिमेस आयुक्त शेखर सिंह यांच्या हस्ते पुष्पहार अर्पण करून अभिवादन करण्यात येणार आहे.  त्यानंतर सकाळी १०.३५ वाजता तळमजल्यावर चित्रकार विजय शिंदे यांच्या कल्पनेतून साकारलेल्या ज्ञानज्योती सावित्रीबाई फुले यांच्या जीवनावर आधारित रांगोळी प्रदर्शनाचे उद्घाटन आयुक्त शेखर सिंह यांच्या हस्ते होणार आहे.  सकाळी १०.४५ वाजता मोशी येथील महापालिकेच्या शाळेमधील ज्ञानज्योती सावित्रीबाई फुले यांच्या पुतळ्यास पुष्पहार अर्पण करून अभिवादन करण्यात येणार आहे.

            ज्ञानज्योती सावित्रीबाई फुले स्मारक येथे आयोजित विचार प्रबोधन पर्वाच्या उद्घाटन प्रसंगी महिला बचत गट व गुणवंत विद्यार्थ्यांचा सत्कार आयुक्त शेखर सिंह यांच्या हस्ते होणार आहे.  सकाळी ११.३० वाजता “मी तुमची सावित्रीबाई फुले” हा ज्ञानज्योती सावित्रीबाई फुले यांच्या जीवनावर आधारीत एकपात्री नाट्यप्रयोग सुप्रसिध्द कलाकार मेघना झुझम या सादर करणार आहेत. दुपारच्या सत्रात १२.३० वाजता संगीत फ्युजन अविष्कारांसह “सावित्रीच्या ज्योती” हा सांस्कृतिक कार्यक्रम सुप्रसिध्द कलाकार रितेश नगराळे सादर करणार आहेत.

 दुपारी २.०० वाजता कविसंमेलनाचे आयोजन करण्यात आले असून यामध्ये अकोला येथील अनंत राऊत,  इचलकरंजी येथील रोहित शिंगे, सोयगांव येथील डॉ.स्वप्निल चौधरी, पिंपरी चिंचवड येथील अनिल दिक्षीत, देहू येथील मेहमुदा शेख  हे कवी सहभागी होणार आहेत.  दुपारी ४.३० वाजता  “सावित्रीच्या लेकी” या विषयावर आधारीत परिसंवादाचे आयोजन करण्यात आले असून यामध्ये अंधश्रद्धा निर्मुलन कार्यकर्त्या अॅड. मनिषा महाजन, पत्रकार अश्विनी सातव डोके,   अॅड. निशा कांबळे, सामाजिक कार्यकर्त्या अनिता सावळे यांचा सहभाग असणार आहे. सायंकाळी ६.०० वाजता ज्ञानज्योती सावित्रीबाई फुले यांच्या जीवनावर आधारीत “वंदन ज्ञानज्योतीला” या संगीतमय कार्यक्रमाद्वारे ज्ञानज्योती सावित्रीबाई फुले विचार प्रबोधन पर्वाची सांगता होणार असून यामध्ये सुप्रसिध्द गायक सुधाकर वारभुवन, मारुती जकाते, सागर येल्लाळे, अनिरुद्ध सूर्यवंशी हे कलाकार सहभागी होणार आहेत.  नागरिकांनी मोठ्या संख्येने या कार्यक्रमास उपस्थित रहावे असे आवाहन महापालिकेच्या वतीने करण्यात आले आहे.   

Maharashtra14 News

Recent Posts

पिंपरी चिंचवड शहरातील रक्षक चौक येथील सबवेच्या कामाला गती; विहीत मुदतीत काम पुर्ण करण्याचे महापालिकेचे नियोजन

महाराष्ट्र 14 न्यूज, दि. ३१ मार्च २०२५ - पिंपरी चिंचवड महापालिकेच्या वतीने सांगवी किवळे रस्त्यावर…

2 days ago

विधानसभेचं ‘उपाध्यक्षपद’ पिंपरीला … महायुतीकडून ‘अण्णा बनसोडे’ यांचा अर्ज दाखल

महाराष्ट्र 14 न्यूज, दि.२५ मार्च : आज मुख्यमंत्री देवेंद्र फडणवीस, उपमुख्यमंत्री अजित पवार यांच्या उपस्थितीत…

1 week ago

जीवनात प्रतिज्ञा महत्त्वाची : ज्ञानेश्वर महाराज कदम माजी आमदार विलास लांडे यांच्याकडून भंडारा डोंगर येथील मंदिर उभारणीसाठी एक कोटींची देणगी

महाराष्ट्र 14 न्यूज, ता. १६ :  जीवनात काही साध्य करायचे असेल तर त्यासाठी प्रतिज्ञा करणे महत्त्वाचे…

3 weeks ago

सदगुणांना प्रतिष्ठा मिळवून देण्याचे काम समाजाकडून झाले पाहिजे – स्वामी गोविंददेव गिरी महाराज

सदगुणांना प्रतिष्ठा मिळवून देण्याचे काम समाजाकडून झाले पाहिजे - स्वामी गोविंददेव गिरी महाराज तुकाराम महाराजांच्या…

3 weeks ago