महाराष्ट्र 14 न्यूज, (दि.३० जुलै) : “आकांक्षापुढती गगन ठेंगणे! म्हणतात तसे पुण्यातील प्राईड इंग्लिश स्कूलमध्ये शिकताना लहान वयात पाहिलेली स्वप्ने आपल्याला कितीतरी उंच घेऊन जाऊ शकतात, देशासाठी काहीतरी मोठं करण्याची प्रेरणा देत असतात, असेच स्वप्न प्राईड इंग्लिश स्कूल या शाळेतील विद्यार्थी आदेश फलफले यांनी पाहिले अवकाश संशोधनाच्या क्षेत्रात काम करण्याचे आदेशने स्वप्न पाहिले व प्रत्यक्षात आणले, व या तरुणाने देशाच्या चांद्रयान 3 मोहिमेत योगदान दिले ही एक गरुड झेपच.
यशस्वी अवकाशमोहिमेनंतर आकाश श्रीहरीकोट्ट्याहून पुण्यात छोट्याश्या सुटीवर आल्यानंतर आवर्जून वडिलांसह तो अप्पा रेणूसे यांना भेटायला आला आणि मग रंगली गप्पांची सुरेख मैफल देखील रंगली.
यावेळी बोलताना अप्पा रेणूसे म्हणाले की, “अवकाश संशोधनाच्या क्षेत्रात आपला देश किती वेगाने प्रगती करतो आहे याची नवनवीन माहिती अवघ्या २३ वर्षाच्या या संशोधक तरुणाकडून ऐकताना तर अक्षरशः थक्क व्हायला होत होते.”
अत्यंत उत्साहाने सळसळणारा आदेश . इस्रोसारख्या प्रमुख संशोधनसंस्थेच्या वतीने राबवल्या जाणाऱ्या अवकाश मोहिमांमध्ये योगदान देतो आहे. या तरुणाचे विचार अतिशय प्रेरक आहेत. आपल्या देशाविषयीचा अभिमान आदेशच्या शब्दाशब्दांतून जाणवत होता.
चांद्रयान मोहिमेचे महत्त्व, त्याचे वेगळेपण या विषयी आदेशने माहिती दिलीच पण आता या पुढील काळात थेट सूर्याची माहिती घेण्यासाठी ‘आदित्य’ ही अवकाश मोहिम नियोजित केलेली आहे. त्याचीही माहिती आदेशने दिली.
एकीकडे अवघड अशा विषयात संशोधन करणारा हा तरुण सुरांची उत्तम जाण असणारा आहे, हे आणखी एक विशेष. गप्पांची छान मैफल रंगलेली असताना त्याचा हा एक नवा पैलूही समजला. त्याने ‘सूर निरागस हो..’ या गीताने सगळ्यांचीच मने जिंकली.
आदेशच्या भविष्यातील वाटचालीला अप्पा रेणुसे तसेच सर्वांनीच भरभरून शुभेच्छा दिल्या आणि तो देखील नवी ऊर्जा भरून घेत नव्या संशोधनासाठी रवाना झाला…
आदेशा या कौतुक प्रसंगी त्याचे वडील संजय फलफले, अप्पा रेणुसे, विलासराव भणगे,पराग पोतदार , शंकरराव कडू, विराज रेणुसे, नेमीचंद सोळंकी, मयूर संचेती, अभिराज रेणुसे, आदित्य कडू ,यश पवार व इतर मित्र परिवार उपस्थित होता.
महाराष्ट्र 14 न्यूज, दि. १३ एप्रिल २०२६ :* बालवाडी हा विद्यार्थ्यांच्या शैक्षणिक प्रवासातील अत्यंत महत्त्वाचा…
महाराष्ट्र 14 न्यूज, दि.०७ एप्रिल : पिंपरी चिंचवड महानगरपालिकेच्या रहाटणी प्रभागातील गजानन नगर परिसरामध्ये नागरिकांना…
पिंपरी चिंचवड महानगरपालिकेच्या यशवंतराव चव्हाण स्मृती रुग्णालयातील रक्तकेंद्रात पुरेसा रक्तसाठा उपलब्ध; कोणताही रुग्ण रक्ताविना परत…
महाराष्ट्र 14 न्यूज, दि०७ एप्रिल : 16 एप्रिल रोजी लोकसभेचे एक विशेष अधिवेशन बोलावण्यात आले…
आकाशचिन्ह व परवाना विभागाची विक्रमी झेप; २०२५-२६ मध्ये २१.५० कोटींची वसुली मागील वर्षाच्या तुलनेत सुमारे…
महाराष्ट्र 14 न्यूज, दि २९ मार्च : पिंपरी-चिंचवड शहराला खऱ्या अर्थाने ‘स्मार्ट’ आणि सोयीसुविधांनी युक्त…