न्यु मिलेनियम स्कूल व ज्यु. कॉलेजच्या मुलींनी १२ वी च्या निकालात मारली बाजी शाळेचा बारावीचा १०० टक्के निकाल संस्था सचिव व आमदार शंकर जगताप यांनी केले गुणवंतांचे कौतुक

महाराष्ट्र 14 न्यूज, दि.०७ मे : नवी सांगवी येथील प्रतिभा महिला प्रतिष्ठान संचालित द न्यू मिलिनियम इंग्लिश मीडियम स्कूल व ज्यु. कॉलेजचा बारावीचा निकाल १०० टक्के लागला असून या निकालात मुलींनी बाजी मारली आहे. विज्ञान शाखेतून बधाने शुभ्रा धनंजय हिने 88.50 टक्के गुण मिळवत प्रथम क्रमांक पटकावला.

द्वितीय क्रमांक पुंड मानसी संदीप (86.33) तर तृतीय क्रमांक यादव तनिष्का दत्तात्रय (79.83) या विद्यार्थिनीने मिळवला. वाणिज्य शाखेतून जेस्टी इलसा वरुघीसी ही 81.50 टक्के गुण मिळवत प्रथम क्रमांकाची मानकरी ठरली. द्वितीय क्रमांक पाटील वेदांती उमेश (80.67) तर तृतीय क्रमांक शिंदे आर्या बळीराम (80.50) हिने पटकावला.

संस्थेचे सचिव व आमदार शंकर जगताप, उपाध्यक्ष विजयअण्णा जगताप, संस्था सदस्य स्वाती पवार, मुख्याध्यापिका इनायत मुजावर यांच्यासह सर्व संस्था सदस्य, शिक्षकांनी या सर्व यशस्वी, उत्तीर्ण विद्यार्थ्यांचे अभिनंदन केले.

संस्थेचे सचिव, आमदार शंकर जगताप सर्व गुणवंत विद्यार्थ्यांचे कौतुक करत या विद्यार्थ्यांना पुढच्या शैक्षणिक वाटचालीसाठी शुभेच्छा दिल्या.