मनोज ब्राम्हणकर यांची भाजप ओबीसी मोर्चाच्या सहसंपर्क प्रमुखपदी निवड

महाराष्ट्र 14 न्यूज, (दि.२५ सप्टेंबर) : देशाचे पंतप्रधान नरेंद्र मोदी यांच्या विचाराने प्रेरित होऊन राज्याचे उपमुख्यमंत्री देवेंद्र फडणवीस, भाजपा महाराष्ट्र प्रदेशाध्यक्ष चंद्रशेखर बावनकुळे यांच्या मार्गदर्शनाखाली मनोज ब्राम्हणकर यांची भारतीय जनता पार्टी ओबीसी मोर्चा महाराष्ट्र राज्याचे पदाधिकारी म्हणून नियुक्ती करण्यात आली आहे.

मनोज ब्राम्हणकर यांची  भाजप ओबीसी मोर्चाच्या  सहसंपर्क प्रमुखपदी निवड करण्यात आली. त्यांना भाजपचे ओबीसी मोर्चाचे प्रदेशाध्यक्ष संजय गाते यांनी निवडीचे पत्र दिले आहे.

निवड झाल्यानंतर बोलताना मनोज ब्राम्हणकर म्हणाले, “प्रदेश पदाधिकारी होऊन आपण भारतीय जनता पक्षाला ताकद मिळवुन देण्यासह पक्षाची ध्येय धोरणे विचार तथा पक्षाचे काम तळागळातील सर्व सामान्य व्यक्तीपर्यंत पोहोचविण्याचे काम करेल”.

मनोज ब्राम्हणकर यांची  भाजप ओबीसी मोर्चाच्या  सहसंपर्क प्रमुखपदी निवड झाल्याबद्दल पिंपरी चिंचवड भाजपा शहराध्यक्ष शंकर जगताप यांनी त्यांचे अभिनंदन केले आणि त्यांना शुभेच्छा दिल्या.