महाराष्ट्र 14 न्यूज, (दि.१६ जानेवारी) : पिंपरी चिंचवड शहरातील चिंचवड देवस्थान ट्रस्ट चे मंदार महाराज देव यांनी पिंपरी-चिंचवडचे लोकनेते आणि चिंचवड विधानसभा मतदारसंघाचे आमदार लक्ष्मणभाऊ जगताप यांच्या कुटुंबियांचे पत्राद्वारे सांत्वन केले, आणि त्यांच्या कुटुंबियांची भेट घेऊनही सांत्वन केले. आमदार लक्ष्मणभाऊ जगताप यांचे ३ जानेवारी रोजी निधन झाले. त्याबाबतचे वृत्त समजल्यानंतर मंदार महाराज देव यांनी जगताप कुटुंबियांना शोक संदेश पत्र देऊन आमदार लक्ष्मणभाऊ जगताप यांच्याविषयीच्या भावना व्यक्त केल्या आहेत.
या शोक संदेशात मंदार महाराज देव यांनी म्हटले आहे, की “चिंचवड विधानसभा क्षेत्राचे अत्यंत लोकप्रिय आणि सामान्य जनतेला कायम हवेहवेसे वाटणारे कार्यसम्राट आमदार कै. लक्ष्मणभाऊ पांडुरंग जगताप यांची प्राणज्योत दिर्घ आजाराशी झुंज देता देता मंगळवार दिनांक ३ जानेवारी २०२३ रोजी मालवली”.
चिंचवड देवस्थान ट्रस्टच्या माध्यमातून मोरया भक्तांच्या सोयीसाठी चालु असलेल्या विविध विकासकामांमधे के. लक्ष्मणभाऊंचे चांगले सहकार्य लाभल्याने चिंचवड देवस्थान ट्रस्टचे त्यांच्याशी अतिशय जिव्हाळ्याचे संबंध होते. कै. लक्ष्मणभाऊ यांच्या निधनामुळे समस्त जगताप कुटुंबीयांवर दुःखाचाजो प्रचंड डोंगर कोसळला आहे त्याचे शब्दात वर्णन करणे कठीण आहे, पण भाऊंनी सामान्य जनतेच्या विकासासाठी जे स्वप्न पाहिले असेल ते पूर्ण करण्याची जबाबदारी आता नकळतपणे आपणा सर्व जगताप कुटुंबीयांवर आली आहे. त्यामुळे या आभाळाएवढ्या दुःखातून सावरण्याची व सामान्य जनतेच्या सर्वांगीण विकासाचे के. भाऊंचे स्वप्न पुर्ण करण्याची शक्ती आपणांस मिळावी हिच श्रीमोरया चरणी प्रार्थना.
दि. १४ जानेवारी २०२३ रोजी संपन्न झालेल्या चिंचवड देवस्थान ट्रस्टच्या विश्वस्त मंडळाच्या मासिक सभेमधे कै.लक्ष्मणभाऊ जगताप यांना भावपूर्ण श्रध्दांजली आर्पण करून शोकप्रस्ताव मंजूर करण्यात आला. चिंचवड देवस्थान ट्रस्ट चे मुख्य विश्वस्त श्री. मंदार महाराज देव, इतर विश्वस्त सर्व श्री श्री. जितेंद्र देव, ह.भ.प. आनंद तांबे, अँड राजेंद्र उमाप, श्री. विनोद पवार व सर्व अधिकारी आणि कर्मचारी वर्ग हे आम्ही सर्व आपल्या दुःखात सहभागी आहोत.
कै. लक्ष्मणभाऊंच्या आल्यास चिरशांती लाभावी हिच मोरया चरणी प्रार्थना.
महाराष्ट्र 14 न्यूज, दि.१ मार्च - राज्यातील सर्व मुलींना शासनातर्फे गर्भाशय मुख कर्करोग प्रतिबंधक लस…
महाराष्ट्र 14 न्यूज, दि.२८ फेब्रुवारी : लोकनेते लक्ष्मणभाऊ जगताप यांच्या जयंतीनिमित्त आयोजित अटल विनामूल्य महाआरोग्य…
॥ रुग्ण सेवा हीच खरी ईश्वरसेवा ॥ महाराष्ट्र 14 न्यूज, दि २५ फेब्रुवारी : महाराष्ट्र…
महाराष्ट्र 14 न्यूज, दिनांक- 18/2/2025, पिंपळे गुरुव : प्रतिभा महिला प्रतिष्ठानचे, द न्यु मिलेनियम इंग्लिश…
महाराष्ट्र 14 न्यूज, दि.१५ फेब्रुवारी : लोकनेते आमदार लक्ष्मणभाऊ जगताप यांच्या ६२ व्या जयंतीनिमित्त झोपडपट्टी…
सावधान ! पिंपरी चिंचवड शहरात प्रदूषण करणाऱ्यावर महापालिकेची चोवीस तास करडी नजर पर्यावरणाची हानी रोखण्यासाठी…