मुंबई पुणे हायवेवर ट्रकमधुन लोंखडी सळई चोरणारी टोळी जेरबंद … १९ लाख रुपयेचा मुद्देमाल जप्त

महाराष्ट्र 14 न्यूज, (दि.१३ एप्रिल) : तळेगाव दाभाडे पोलीस ठाणे हद्दीत पेट्रोलिंग करीत लिंबफाटा, तळेगाव दाभाडे, पुणे येथे आले असता, खंडणी विरोधी पथकाचे वपोनि अरविंद पवार यांना मिळालेल्या बातमी वरुन, तळेगाव दाभाडे गावचे हद्दीत जुना मुंबई-पुणे हायवे लगत असणाऱ्या हॉटेल रांगडा दरबारचे मागील मोकळ्या जागेत ता. मावळ, जि.पुणे येथे खंडणी विरोधी पथकाकडील अधिकारी व अंमलदार यांनी सापळा लावुन  कारवाई करण्यात आली.

या कारवाईत निजाम नवाब खान वय ५८ वर्षे रा. सध्या पप्पु खळदे यांची खोली, हॉटेल रांगडा दरबारचे मागे, तळेगाव दाभाडे, ता. मावळ, जि. पुणे मुळगाव- रहिमानिया मस्जिदजवळ कमलारमननगर, बैंगणवाडी, गंवडी, मुंबई २ ) शत्रुघन महाबल ठाकुर वय ६० वर्षे रा. सुजा वेंचर सोसासटी, सोमाटणे फाटा, तळेगाव दाभाडे, पुणे मुळगाव-पुराबजार, तहसिल सदर, जि. आयोध्या, उत्तरप्रदेश ३ ) इसराल अहमद आबेदअली शेख, वय – ३२ वर्षे रा. सध्या पप्पु खळदे यांची खोली, हॉटेल रांगडा दरबारचे मागे, तळेगाव दाभाडे, ता. मावळ, जि. पुणे मुळगाव-बैराहपुर, तहसिल फत्तेपुर, उत्तरप्रदेश ४ ) महंमद आरीफखान वय ४० वर्षे रा.अह रहेमान ट्रान्सपोर्ट, शालीमार हॉटेल समोर, जलील कंपाऊड धारावी. मुंबई मुळगाव- कुरही, तहसिल बबेरु, जि.बांधा, उत्तरप्रदेश यांना ताब्यात घेवुन,

त्यांचेकडून ३,७८,६००/- रु. किंमतीचे ६३१० किलो वजनाचे चोरी केलेले लोखंडी सळईचे बंडल व चोरीचा माल घेवुन जात असलेला १५,००,०००/- रू किंमतीच्या टाटा ११०९ ट्रकनं. एमएच ४३ वाय ७८२८ असा एकुण १८,७८,६००/- रु. किंमतीचा मुद्देमाल जप्त करुन, त्यांचे विरुध्द तळेगाव दाभाडे पोलीस स्टेशन गुन्हा रजि नंबर १९९ / २०२३ भादवि कलम ३७९, ३४ अन्वये गुन्हा दाखल करण्यात आला आहे. सदर गुन्हयाचा पुढील तपास खंडणी विरोधी पथकाचे पोलीस हवालदार प्रदीप गोडांबे हे करत आहे.