Categories: Uncategorized

पिंपरी चिंचवड शहरातील कासारवाडी जलतरण तलावात क्लोरीन गॅस गळती; २२ जणांना श्वासाचा त्रास उपचारासाठी रुग्णालयात दाखल

महाराष्ट्र 14 न्यूज, (दि.१० ऑक्टोबर) : पिंपरी-चिंचवडमध्ये रविवारी मध्यरात्री अवैधरित्या गॅस भरताना नऊ सिलेंडरचा स्फोट झाल्याची घटना ताजी असतानाच महानगरपालिकेच्या जलतरण तलावात मंगळवारी धक्कादायक घटना घडली.

कासारवाडी येथील जलतरण तलावातून अचानक क्लोरीन गॅस लिकेज झाला. यामुळे तलावात पोहण्यासाठी आलेल्या २० ते २२ जणांना श्वास घेण्यास त्रास सुरु झाला. परिसरात क्लोरीन गॅस पसरल्याने काही मीटरपर्यंत नागरिकांना खोकला आणि घसा दुखीचा त्रास सुरू झाला. काही नागरिकांना तर श्वास घेण्यास त्रास होत होता. यामुळे खबरदारीचा उपाय म्हणून कासारवाडी येथील स्विमिंग पूलाच्या समोरून वाहतूक बंद करण्यात आली आहे. दरम्यान, जलतरण तलावात उतरलेल्या आणि जास्त त्रास होत असलेल्या नागरिकांना रुग्णालयात हलवण्यात आले आहे.

पिंपरी-चिंचवडमधील मनपाच्या कासारवाडी जलतरण तलावात नेहमी अनेक जण पोहण्यासाठी येत असतात. मंगळवारी सकाळी अनेक जण पोहण्याचा आनंद घेत होते. त्यावेळी अनेकांना अचानक श्वास घेण्याचा त्रास सुरु झाला. तसेच खोकला येऊ लागला आणि गळ्याचा त्रास होऊ लागला.  जलतरण तलावच नाही तर या परिसरात ५०० मीटर पर्यंत लोकांना हा त्रास सुरु झाला. जलतरण तलावातील क्लोरीन गॅस लिक होऊन परिसरात पसरला होता. परिसरातील नागरिकांना त्रास सुरु होताच या परिसरातील रस्ता पोलिसांनी वाहतुकीसाठी बंद केला.

तलावातून क्लोरीन गॅस लिक झाल्यामुळे या ठिकाणी असलेल्या २० ते २२ जणांना तसेच सुरक्षारक्षकांना त्रास सुरु झाला. त्यानंतर घटनास्थळी अग्निशमन दलाचे जवान आणि पोलीस दाखल झाले. (Pimpri News) त्यांनी संबंधित व्यक्तींना रुग्णालयात दाखल केले. ११ जणांना उपचारासाठी महापालिकेच्या वायसीएम रुग्णालयात दाखल करण्यात आले आहे. या घटनेची अधिक चौकशी सुरू आहे.जलतरण तलावात फिल्टर प्लँट आणि बॅलन्सिंग टाकी असते. फिल्टर प्लँट आणि क्लोरिन प्लँट जवळजवळ असतात. पाण्याचे निर्जंतुकीकरण करण्यासाठी क्लोरिनचा वापर करतात. परंतु हे क्लोरिन किती सोडावे याचे प्रमाण ठरले असते. क्लोरिन सोडल्यानंतर तो बॅलन्सिंग टाकीतून मिसळतो. त्यानंतर हे पाणी फिल्टर प्लँटमध्ये जाते. त्यानंतर पाणी जलतरण तलावात सोडले जाते असते. या पद्धतीत पिंपरी चिंचवडमध्ये कुठे बदल झाला हे आता चौकशीनंतर समोर येणार आहे.

Maharashtra14 News

Recent Posts

पूरस्थिती टाळण्यासाठी प्रतिबंधात्मक उपाययोजनांवर पिंपरी चिंचवड महानगरपालिका आयुक्तांचा भर; अतिक्रमणांवर कठोर कारवाईचे निर्देश

*आयुक्त डॉ. विजय सूर्यवंशी यांची नाले व नदीपात्राची पाहणी* *पूरस्थिती टाळण्यासाठी प्रतिबंधात्मक उपाययोजनांवर भर; अतिक्रमणांवर…

2 days ago

आगामी पावसाळ्याच्या पार्श्वभूमीवर पिंपरी चिंचवड महानगरपालिका क्षेत्रीय कार्यालय स्तरावर २४x७ पूर नियंत्रण कक्षाची स्थापना

महाराष्ट्र 14 न्यूज, पिंपरी, दि. २७ मे २०२६ –* मान्सून कालावधीत संभाव्य अतिवृष्टी, पाणी साचणे…

3 weeks ago

पिंपळे निलख येथील रक्षक चौक उड्डाणपूल वाहतुकीसाठी खुला; आमदार शंकर जगताप यांच्या मागणीची महापालिका प्रशासनाकडून तात्काळ दखल

महाराष्ट्र 14 न्यूज, दि.22 मे -- ​पिंपरी-चिंचवड: पिंपळे निलख येथील रक्षक चौकातील उड्डाणपुलाचे काम पूर्ण…

3 weeks ago

सोसायटीवरील ‘ॲमिनेटीज्‌’ कर आकारणी रद्द करा! – चिखली-मोशी-पिंपरी-चिंचवड सोसायटी फेडरेशनची मागणी – महानगरपालिका आयुक्त डॉ. विजय सूर्यवंशी यांना दिले निवेदन

महाराष्ट्र 14 न्यूज, दि.19 मे : पिंपरी-चिंचवड महानगरपालिकेच्या कर आकारणी व कर संकलन विभागाकडून सोसायट्यांमधील…

4 weeks ago

तरुण-तरुणींना मिळणार ‘ऑन द स्पॉट’ हक्काची नोकरी- आमदार शंकर जगताप

महाराष्ट्र 14 न्यूज, दि.11 मे (प्रतिनिधी)  : पिंपरी-चिंचवड परिसरातील बेरोजगार तरुण-तरुणींना नामांकित राष्ट्रीय, बहुराष्ट्रीय  कंपन्यांमध्ये…

1 month ago