अभिमानास्पद : भाजप शहराध्यक्ष शंकर जगताप यांनी केले पंतप्रधान नरेंद्र मोदी यांचे स्वागत!

महाराष्ट्र 14 न्यूज, (दि.०१ ऑगस्ट) : पंतप्रधान नरेंद्र मोदी हे आज ०१ ऑगस्ट रोजी पुणे दौऱ्यावर आले होते. त्यांना राष्ट्रवादी काँग्रेसचे अध्यक्ष शरद पवार आणि दीपक टिळक यांच्या हस्ते लोकमान्य टिळक राष्ट्रीय पुरस्कार दिला गेला.

त्याच्याआधी पंतप्रधान मोदी यांचे आज सकाळी पुण्यात आगमन झाले. यावेळी त्याच्या स्वागतासाठी राज्यपाल रमेश बैस, मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, खासदार श्रीरंग बारणे यांच्यासह इतर लोकप्रतिनिधी, प्रशासकीय अधिकारी कृषी महाविद्यालय परिसरातील हेलिपॅडवर उपस्थित होते. यावेळी पंतप्रधान मोदी यांचे राज्यपाल रमेश बैस, मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार यांनी स्वागत केले. त्याचबरोबर पिंपरी चिंचवड शहराच्या वतीने भाजप शहराध्यक्ष ‘शंकर जगताप’ यांनी देखील त्यांचे स्वागत केले.

शंकर जगताप हे भाजपचे पिंपरी चिंचवड शहराध्यक्ष झाल्यानंतर हे पहिल्यांदा केललं स्वागत आहे. तर या स्वागतानंतर पंतप्रधान मोदी हे श्रीमंत दगडूशेठ हलवाई गणपती मंदिराकडे श्रीं’ची आरती आणि अभिषेकसाठी गेले. तर यानंतर त्याना टिळक राष्ट्रीय पुरस्कार दिला गेला. तर यानंतर त्यांच्या हस्ते पुणे मेट्रोचे आणि पुणे पिंपरी चिंचवड शहरातील विविध प्रकल्पांचे उद्धाटन देखील केले.