श्रोत्यांची मने जिंकत पिंपळे गुरव मध्ये रंगले ‘उत्तम महाराज बढे’ यांच्या बहारदार कीर्तन … भैरवनाथ जन्मोत्सव आणि काकडा आरतीची सांगता..

महाराष्ट्र 14 न्यूज, (दि.०६ डिसेंबर) : आज (दि .६ डिसेंबर रोजी) पिंपळे गुरव येथे समस्त गावकरी विठ्ठल भजनी मंडळ व पिंपळे गुरव ग्रामस्थ यांच्या विद्यमाने श्री भैरवनाथ जन्मोत्सव आणि काकडा आरती सांगता श्री ग्रंथराज ज्ञानेश्वरी पारायण व अखंड हरिनाम संकिर्तन यज्ञ सोहळा श्री भैरवनाथ मंदीर, श्री क्षेत्र पिंपळे गुरव येथे आयोजित करण्यात आला होता.

आज दि. ०६ डिसेंबर रोजी ह.भ.प.श्री. उत्तम महाराज बढे (आळंदी) यांचे काल्याचे कीर्तन सेवेने या कार्यक्रमाची सांगता झाली, त्यावेळी उपस्थित मान्यवरांचा सत्कार करण्यात आला व कै. पांडुरंग खंडुजी जगताप पाटील, चंद्रभागा पांडुरंग जगताप, लोकनेते लक्ष्मणभाऊ पांडुरंग जगताप यांच्या स्मरणार्थ काल्याचा महाप्रसादाचा देण्यात आला. यावेळी परिसरातील भाविक भक्त मोठ्या संख्येने उपस्थित होते. या समारंभाचे आयोजन श्री भैरवनाथ मंदीर, श्री क्षेत्र पिंपळे गुरव, यांच्या वतीने करण्यात आले होते.