महाराष्ट्र 14 न्यूज, (दि.११ जानेवारी) : रक्षक चौकाकडून पिंपळे निलखच्या दिशेने शिकाऊ महिला नवीन कोरी चार चाकी वाहन चालवीत असताना अचानक ब्रेकवर पाय देण्याऐवजी एक्सिलेटरवर पाय दिल्याने दुतर्फा बाजूकडील पदपथाला लागून असणाऱ्या सुरक्षा भिंतीला जाऊन धडकली. यावेळी मागून येणारा दुचाकी वाहन चालकही चारचाकी वाहनाच्या उजव्या बाजूला धडकून पदपथावर पडला.
याप्रसंगी दुचाकी वाहन चालकाच्या गुडघ्याला, हाताला, डोक्याला गंभीर दुखापत झाल्याने दुचाकी वाहन चालकास औंध उरो रुग्णालयात दाखल केल्याचे सांगण्यात आले. ही घटना सोमवार (दि. १०) रात्री दहाच्या सुमारास घडली. याप्रसंगी नवीन कोरी असलेली एम एच १४ जे यू ८९५८ हे चार चाकी वाहन चालवीत असताना पुढे पती, पत्नी तर मागे मेहुणा, मेहुणी बसले होते. सर्व रा. रिजन्सी पॅराडाईज, भारत गॅस एजन्सीजवळ रहाटणी. यावेळी पती गिरगावकर वय (३६) हे पत्नी माधवी गिरगावकर (वय ३०) हिला वाहन चालविण्यास शिकवत होते.
यावेळी रक्षक चौकाकडून पिंपळे निलख गावठाणच्या दिशेने जात असताना पुढून दुचाकी वाहन येत असल्यामुळे पती अभिजित यांनी ब्रेक दाबण्यास सांगितले असता पत्नी माधवीने एक्सिलेटर दाबला. त्यामुळे वाहनावरील ताबा सुटून दुतर्फा बाजूस पदपथाला लागून असणाऱ्या सुरक्षा भिंतीवर चारचाकी वाहन जाऊन धडकले. वाहन सुरक्षा भिंतीला इतकी जोरात धडकली की दहा फूट लांब असलेली भिंत कोसळून पडली.
नशीब बलवत्तर होते म्हणून थोडक्यात चारचाकी वाहनातील सर्वांचा जीव वाचला. कोनालाही इजा झाली नाही. अन्यथा मोठी दुर्घटना घडली असती. नुकतेच ५ जानेवारीला शोरूम मधून ‘आय -20’ हे चार चाकी वाहन खरेदी करून आणले होते. या अपघातात चारचाकी वाहनाच्या पुढील बाजूकडील भाग चक्काचूर झाला होता. मात्र मागून येणाऱ्या दुचाकी स्वार प्रथमेश व्यास (वय २२) रा. आपटे रोड डेक्कन याची एम एच १२ के जी ८१९ होंडा ऍक्टिवा कारला धडक होऊन गंभीर रित्या जखमी झाल्याचे समजते. दुचाकी वाहनाचे थोड्या प्रमाणात नुकसान झाल्याचे घटनास्थळी दिसून आले.
महाराष्ट्र 14 न्यूज, (दि.०४ मे) : बारामती लोकसभा मतदारसंघातील महाविकास आघाडीच्या उमेदवार सुप्रिया सुळे यांच्या…
महाराष्ट्र 14 न्यूज, (दि.०२ मे) : महाराष्ट्रातील 48 जागांपैकी 47 जागांवरील लढती कशा असतील हे…
महाराष्ट्र14 न्यूज, (दि.०२ मे) : लोकसभा सार्वत्रिक निवडणूक २०२४ अंतर्गत २०५ चिंचवड विधानसभा मतदारसंघामध्ये मा.निवडणूक…
महाराष्ट्र 14 न्यूज, (दि.०१ मे) : दिवांकुर संस्थेच्या वतीने गरजू विद्यार्थ्यांना मोफत शालेय साहित्य वाटप…
महाराष्ट्र 14 न्यूज, दिनांक- १ मे २०२४. नवी सांगवी (समर्थनगर) येथील प्रतिभा महिला प्रतिष्ठान संचलित…
महाराष्ट्र 14 न्यूज, (दि.२८ एप्रिल) : उपमुख्यमंत्री अजित पवार आज बारामती दौऱ्यावर आहेत.. बारामती तालुक्यातील…