महाराष्ट्र 14 न्यूज, (दि.०९ नोव्हेंबर) : भोसरी इंद्रायणीनगर भागामध्ये पीएमपीएलच्या बसची फेऱ्यांची संख्या वाढवण्याची मागणी भाजपाच्या वतीने करण्यात आली आहे.
भाजपा शहराध्यक्ष तथा आमदार महेश लांडगे यांच्या मार्गदर्शनाखाली शहर भाजपा युवा मोर्चाचे उपाध्यक्ष शिवराज लांडगे आणि राष्ट्रीय खेळाडू योगेश लांडगे यांनी याबाबतचे निवेदन पुणे महानगर परिवहन महामंडळच्या (पीएमपी) कार्यालयाला भेट देऊन वाहतूक व्यवस्थापक दत्तात्रेय झेंडे यांना दिले.
पिंपरी-चिंचवड शहरातील इंद्रायणीनगर हा अत्यंत प्रशस्त आणि रहिवासासाठी प्राधान्य दिला जाणारा परिसर आहे. अनेक विद्यार्थी इतर भागातून पिंपरी-चिंचवडमध्ये शिकण्यासाठी आल्यानंतर याच भागात राहण्यासाठी पसंती देतात. तर दुसरीकडे या भागातील लोकवस्ती गेल्या काही वर्षांत प्रचंड प्रमाणात वाढलेली आहे. येथील विद्यार्थी, नोकरी करणारे चाकरमानी, महिला या सर्वांना ये-जा करण्यासाठी पीएमपी प्रशासनाने मोजक्या बसची सुविधा उपलब्ध करून दिलेली आहे. इंद्रायणीनगर मधून पिंपरी-चिंचवड किंवा पुणे शहरात जाण्यासाठी भोसरी,लांडेवाडी, एमआयडीसी कॉर्नर या ठिकाणी यावे लागते.त्यामुळे नागरिकांचा नाहक वेळ आणि पैसा खर्च होत आहे. त्यामुळे स्पाईन रोड संतनगर जय गणेश साम्राज्य मार्गे आळंदी- निगडी, निगडी-भोसरी अशी बस सेवा सुरू करण्याची गरज असल्याची भावना शिवराज लांडगे व योगेश लांडगे ह्यांनी मांडली.
पीएमपी प्रशासन सकारात्मक
इंद्राणीनगर, मोशी प्राधिकरण येथील नागरीक, विद्यार्थी व कामगार वर्गाच्या सोयीसाठी स्पाईन रोड संतनगर जय गणेश साम्राज्य मार्गे आळंदी- निगडी, निगडी-भोसरी बस सेवा चालू करण्या संदर्भात निवेदन दिले असून, या संदर्भात पीएमपी प्रशासनाने सकारात्मक भूमिका घेत लवकरच याच्यावर निर्णय घेण्याचे आश्वासन दिले आहे, असे शिवराज लांडगे यांनी सांगितले.
महाराष्ट्र 14 न्यूज, (दि.०४ मे) : बारामती लोकसभा मतदारसंघातील महाविकास आघाडीच्या उमेदवार सुप्रिया सुळे यांच्या…
महाराष्ट्र 14 न्यूज, (दि.०२ मे) : महाराष्ट्रातील 48 जागांपैकी 47 जागांवरील लढती कशा असतील हे…
महाराष्ट्र14 न्यूज, (दि.०२ मे) : लोकसभा सार्वत्रिक निवडणूक २०२४ अंतर्गत २०५ चिंचवड विधानसभा मतदारसंघामध्ये मा.निवडणूक…
महाराष्ट्र 14 न्यूज, (दि.०१ मे) : दिवांकुर संस्थेच्या वतीने गरजू विद्यार्थ्यांना मोफत शालेय साहित्य वाटप…
महाराष्ट्र 14 न्यूज, दिनांक- १ मे २०२४. नवी सांगवी (समर्थनगर) येथील प्रतिभा महिला प्रतिष्ठान संचलित…
महाराष्ट्र 14 न्यूज, (दि.२८ एप्रिल) : उपमुख्यमंत्री अजित पवार आज बारामती दौऱ्यावर आहेत.. बारामती तालुक्यातील…