महाराष्ट्र 14 न्यूज, (दि.२७ डिसेंबर) : पिंपरी चिंचवड शहरातील पिंपळे गुरव परिसरात दिवसाढवळ्या योगेश जगताप नावाच्या एका व्यावसायिकाची गोळ्या झाडून निर्घृण हत्या करण्यात आली होती.
या प्रकरणी मुख्य आरोपींना पकडण्यासाठी गेलेल्या पोलीस पथकावरही आरोपींनी गोळीबार केल्याची धक्कादायक घटना समोर आली आहे. चाकण परिसरात गुन्हेगार आणि पोलीस यांच्यात मोठी चकमक घडली आहे. स्व संरक्षणासाठी पोलिसांनी देखील आरोपींवर गोळीबार केला आहे. गोळीबाराच्या थरारनंतर पोलिसांनी गणेश माटेसह महेश माने आणि अश्विन चव्हाण या तिघांना जेरबंद केलं आहे.
संबंधित तिघेही योगेश जगताप यांची हत्या करून फरार झाले होते. अखेर त्यांना पकडण्यात पोलिसांना यश आलं आहे. आरोपींना पकडायला गेलेल्या पोलिसांवर गणेश माटे यानं गोळीबार केल्याची प्राथमिक माहिती समोर आली आहे. या घटनेचा पुढील तपास पोलीस करत आहेत.
