ब्रेकिंग न्यूज | वाकड वाहतूक पोलिसांची धडाकेबाज कारवाई!
व्हायरल रीलमधील फॉर्च्युनर मालकावर अखेर गुन्हा दाखल!
महाराष्ट्र 14 न्यूज, दि.09 सप्टेंबर : पिंपरी-चिंचवड : एक्स्प्रेस वेवर आलिशान फॉर्च्युनर गाडीच्या मागील नंबर प्लेटची उघडझाप करत धावणाऱ्या वाहनाचा रील सोशल मीडियावर मोठ्या प्रमाणात व्हायरल झाला. YouTube, Facebook, Instagramसह विविध इलेक्ट्रॉनिक मीडिया प्लॅटफॉर्मवर या रीलने चांगलाच धुमाकूळ घातला होता.
या व्हायरल व्हिडिओची गंभीर दखल घेत पिंपरी-चिंचवड वाहतूक शाखेअंतर्गत वाकड वाहतूक विभागात कार्यरत पोलीस हवालदार रोहिदास धोंडू बोऱ्हाडे यांनी संबंधित वाहनाचा शोध सुरू केला.
सतर्क पोलिसांच्या तपासाला यश!
व्हायरल रीलच्या आधारे तपासाची चक्रे फिरवत संबंधित फॉर्च्युनर वाहनाचा व मालकाचा शोध घेण्यात आला. त्यानंतर संबंधित वाहनमालकाविरुद्ध BNS तसेच मोटार वाहन कायद्यातील विविध कलमांनुसार वाकड पोलीस ठाण्यात गुन्हा दाखल करण्यात आला आहे.
सोशल मीडियावर रील करून कायद्याला आव्हान देणाऱ्यांना वाकड वाहतूक पोलिसांचा दणका!
व्हायरल रीलवर नजर, वाहनाचा शोध आणि थेट कायदेशीर कारवाई — पोलीस हवालदार रोहिदास बोऱ्हाडे यांच्या सतर्कतेमुळे नियमभंग करणाऱ्या वाहनचालकांना चांगलाच धडा!
वाकड वाहतूक पोलिसांच्या या तत्पर कारवाईचे सर्वत्र कौतुक होत आहे.
