Delhi : देशातील टॉप-टेन खासदारांच्या यादीत महाराष्ट्रातील 4 खासदारांचा समावेश, बारामती च्या सुप्रिया सुळे देशात ‘अव्वल’

महाराष्ट्र 14 न्यूज, (दि.३४ मार्च) : देशातील टॉप टेन खासदारांची यादी नुकतीच जाहीर करण्यात आली आहे. या यादीमध्ये महाराष्ट्रातील चार खासदारांचा समावेश आहे. यामध्ये राष्ट्रवादीच्या बारामती मतदारसंघाच्या खासदार सुप्रिया सुळे या पहिल्या क्रमांकावर आहेत. तर मावळचे खासदार श्रीरंग बारणे  दुसऱ्या क्रमांकावर आहेत.

देशातील टॉप-टेन खासदारांमध्ये  महाराष्ट्राने बाजी मारली आहे. त्यात शिवसेनेच्या तीन तर राष्ट्रवादीचा  एक खासदार आहे. याशिवाय तामिळनाडूतील दोन, राज्यस्थान, उत्तर प्रदेश, अंदमान आणि निकोबार, झारखंड येथील प्रत्येकी एकेक खासदाराचा यादीत समावेश आहे. या खासदारांच्या यादीत शिवसेनेचे श्रीरंग बारणे, श्रीकांत शिंदे आणि राहुल शेवाळे यांचा समावेश आहे. श्रीरंग बारणे दुसऱ्या, श्रीकांत शिंदे 8 व्या तर राहुल शेवाळे 9 व्या क्रमांकावर आहेत.

देशातील खासदारांच्या संसदेतील कामगिरीवरून ही टॉप टेन यादी जाहीर करण्यात आली आहे.अहवालामध्ये विविध निकषांवर संसदेतील खासदारांच्या कामगिरीचे मुल्यमापन करून त्यानुसार ही आकडेवारी जाहीर करण्यात येते. तसेच सर्वात जास्त प्रश्न विचारणाऱ्या खासदारांमध्ये सुप्रिया सुळे प्रथम क्रमांकावर आहेत. तर सर्वाधिक खासगी विधेयक मांडणाऱ्या खासदारांमध्ये गोपाल शेट्टी नंबर वनवर आहेत.