महाराष्ट्र 14 न्यूज, दि.०४ नोव्हेंबर : चिंचवड विधानसभा मतदारसंघातून महायुतीच्या बंडखोर नाना काटे यांनी अखेरवमाघार घेत महायुती चा धर्म पाळला. नाना काटेंचं हे बंड शमवण्यासाठी राज्याचे उपमुख्यमंत्री अजित पवार यांनी नुकतीच त्यांच्या निवासस्थानी त्यांची भेट घेतली होती. महायुतीचे अधिकृत उमेदवार शंकर जगताप यांनी देखील नाना काटे यांची भेट घेऊन नाराजी दूर करण्याचा प्रयत्न केला, आणि शंकर जगताप यांनी बोलल्या प्रमाणे अखेर नाना काटे यांनी माघार घेत शंकर जगताप यांना सपोर्ट केल्याचे दिसत आहे.
उप मुख्यमंत्री अजित पवार आणि देवेंद्र फडणवीस यांच्या शिष्टाईनतर नाना काटे यांनी विधानसभा निवडणुकीतून माघार घेत महायुतीचे अधिकृत उमेदवार शंकर जगताप यांना बिनशर्त पाठिंबा दिला आहे.
नाना काटे हे महाविकास आघाडी आणि महायुतीकडून इच्छुक होते. त्यामुळे दोन्ही कडील नेत्यांनी त्यांची समजूत काढली आहे. चिंचवड विधानसभा मतदारसंघात आता महायुतीचे शंकर जगताप विरुद्ध महाविकास आघाडीचे राहुल कलाटे अशी थेट लढत होणार आहे. राहुल कलाटे यांची चिंचवड विधानसभेची चौथी निवडणूक आहे, तर शंकर जगताप हे पहिल्यांदाच विधानसभा निवडणुकीला सामोरे जात आहेत.
दोन काटे एकत्र आल्याने शंकर जगताप यांची ताकद वाढल्याचे बोलले जात आहे, भाजप चे शत्रुग्न बापू काटे आणि विठ्ठल उर्फ नाना काटे हे पिंपळे सौदागर या प्रभागाचे नेतृत्व करतात याठिकाणी भाजपला मानणारा वर्ग मोठ्या प्रमाणात असला तरी नाना काटे यांनी महानगरपालिका निवडणुकीत आपला प्रभाव दाखवला होता, त्यामुळे त्यांना मानणारा मोठा वर्गही या भागात आहे, त्याचाच फायदा हे दोन्ही ही काटे एकत्र आल्याने महायुतीचे उमेदवार शंकर जगताप यांना होणार आहे. त्यामुळे त्यांच्या विजयाचा मार्ग आणखी सुखर झाल्याचे सध्या तरी पहायला मिळत आहे.
