महाराष्ट्र 14 न्यूज, दि.17 एप्रिल :पिंपरी-चिंचवड शहराच्या प्रगत आणि आधुनिक प्रतिमेला साजेसी अशी महानगरपालिकेची नवीन प्रशासकीय इमारत आता पूर्णत्वास येत आहे. आज या भव्य-दिव्य वास्तूची प्रत्यक्ष पाहणी भाजप पदाधिकाऱ्यांनी केली.
पिंपरी चिंचवड शहराचा वाढता विस्तार आणि नागरिकांच्या गरजा लक्षात घेऊन ही इमारत अत्यंत नियोजित पद्धतीने उभारण्यात आली आहे. अत्याधुनिक सोयी-सुविधा, प्रशस्त दालने आणि सुसज्ज प्रशासकीय विभाग यामुळे येणाऱ्या काळात नागरिकांची कामे अधिक जलद गतीने होण्यास त्यामुळे मोठी मदत होणार आहे.
यावेळी बोलताना सत्तारूढ पक्षनेते प्रशांत शितोळे म्हणाले, “ही वास्तू केवळ एक इमारत नसून, आपल्या शहराच्या प्रगतीचे आणि विकासाच्या जिद्दीचे प्रतीक आहे. शहराच्या वैभवात मानाचा तुरा रोवणाऱ्या या देखण्या वास्तूचे काम पाहून खरोखरच समाधान वाटले”.
या पाहणी दौऱ्याप्रसंगी उपमहापौर मा. श्रीमती शर्मिलाताई बाबर, सत्तारूढ पक्षनेते प्रशांत शितोळे, स्थायी समिती अध्यक्ष मा. श्री. अभिषेकजी बारणे यांच्यासह अन्य पदाधिकारी आणि पिंपरी चिंचवड महानगरपालिकेचे अधिकारी उपस्थित होते.
