महाराष्ट्र 14 न्यूज, (दि.२० मे) : नागरिकांशी थेट संवाद साधता यावा, तक्रारदारांची गैरसोय होऊ नये तसेच तक्रारींचा वेळीच निपटारा व्हावा यासाठी पिंपरी-चिंचवड पोलीस आयुक्तालयाच्या प्रत्येक पोलीस ठाण्यात दर शनिवारी तक्रार निवारण दिनाचे आयोजन करण्यात येणार आहे.पोलीस आयुक्त विनयकुमार चौबे यांनी सर्व अधिकाऱ्यांना तसे आदेश दिले आहेत.
पिंपरी-चिंचवड पोलीस आयुक्तालयाच्या हद्दीत १८ पोलीस ठाणे आहेत. पुण्यापेक्षा पिंपरी-चिंचवड आयुक्तालयाची हद्द मोठी आहे. पिंपरी-चिंचवड, चाकण, खेड-आळंदीसह तळेगाव दाभाडे हा औद्योगिक परिसर आयुक्तालयाच्या हद्दीत येतो. अनेकदा नागरिकांकडून येणाऱ्या अर्जावर काहीतरी कार्यवाही करण्यात येत असते. तर, काहीवेळेस यात थोडीफार दिरंगाई होऊ शकते. तक्रार निवारण दिनानिमित्त नागरिकांना तक्रारीवर झालेल्या कार्यवाही माहिती दिली जाईल. तसेच नागरिकांना आपल्या तक्रारी मांडता येतील. नागरिकांच्या तक्रारींचे तातडीने निराकरण करण्यासाठी आयुक्तालयामार्फत विविध माध्यमांद्वारे तक्रारी स्वीकारल्या जातात.
यामध्ये संकेतस्थळ, व्हॉट्सअॅप, ई-मेल तसेच प्रत्यक्षरित्या पोलीस आयुक्त कार्यालय, उपायुक्त कार्यालय, सहायक पोलीस आयुक्त कार्यालय, पोलीस ठाणे यांचा समावेश आहे. तसेच शासन आणि वरिष्ठ कार्यालयांकडून वेगवेगळ्या प्रकारचे तक्रार अर्ज प्राप्त होत असतात. या प्राप्त तक्रार अर्जांची मुदतीत व उचित कार्यवाही करून त्याचे निराकरण करणे अपेक्षित आहे. तक्रार अर्जाची वेळेत कार्यवाही न झाल्याने सर्वसामान्य नागरिकांची गैरसोय होते.
महाराष्ट्र 14 न्यूज, (दि.२५ जून) :रक्तगटाचा शोध लावणारे ऑस्ट्रीयन जीवशास्त्रज्ञ कार्ल लँडस्टायनर यांच्या जयंतीनिमित्य सन…
महाराष्ट्र 14 न्यूज, (दि .२३ जून) : चिंचवड मतदारसंघातील विजेच्या प्रश्नासंदर्भात शंकरभाऊ जगताप यांनी महावितरणच्या…
महाराष्ट्र 14 न्यूज, (दि.२१ जून) : राज्यात मराठा आरक्षण आणि ओबीसी आरक्षण हा सर्वात कळीचा…
महाराष्ट्र 14 न्यूज, (दि.२१ जून) : औंध जिल्हा रुग्णालयात असणाऱ्या जिल्हा आयुष रुग्णालयात आज २१…
महाराष्ट्र 14 न्यूज, (दि.१७ जून) : पिंपरी चिंचवड शहरातील दापोडी परिसरातील अतिक्रमण कारवाई दरम्यान अतिक्रमण…
महाराष्ट्र 14 न्यूज, (दि.१६ जून) : पिंपरी चिंचवड शहरातील पिंपळे निलख येथील उद्योजक श्री.बबनराव बाबुराव…