नवी सांगवी – पिंपळे गुरवच्या सीमा रेषेवर असणारा कृष्णा चौक … खड्ड्यांमध्ये वाहने आदळून रस्त्यांवर धूळच-धूळ पसरत होती. ही धूळ दुचाकीचालकांच्या नाका-तोंडात आणि डोळ्यांत जात असल्याने नवी सांगवीकरांसह बाहेरील वाहनधारक हैराण झाले होते. परंतु विकास करायचा म्हटलं की थोडीफार अडचण ही काही दिवस सहन करावीच लागते. परंतु त्यानंतर जे असेल ते अगदी भव्यदिव्य असेल हीच संकल्पना डोळ्यासमोर ठेवून ‘आमदार लक्ष्मण जगताप‘ यांच्या माध्यमातून नवी सांगवी पिंपळे गुरवची शहरातील स्मार्ट सिटी योजनेमध्ये निवड झाली आणि आता स्मार्ट सिटीच्या माध्यमातून जवळपास नव्वद टक्के काम पूर्ण झाले आहे, या भागाचा कायापालट झाल्याचे आज दिसू लागले आहे, त्यामुळे आमदार जगतापांच्या या चांगल्या कामाची शहरात सर्वत्र चर्चा ऐकायला मिळत आहे.
‘जगात काय नवे ते पिंपरी चिंचवड ला हवे’ या जगताप यांच्या दूरदृष्टीने शहरात प्रशस्त असे स्मार्ट रस्ते, ग्रेड सेपरेटर, स्मार्ट फुटपाथ, विजेचे खांब, लिनीयर गार्डन, राजमाता जिजाऊ उद्यानासारखे दुबईच्या धर्तीसारखे एलिव्हटेड गार्डन येथील नागरिकांना खुणावते आहे. या विकासामुळे येतील नागरीकरण वाढले.
पावसाने उघडीप दिल्यानंतर स्मार्ट सिटी प्रशासनाने पुन्हा एकदा शहरातील रस्त्यांची आणि विविध कामे हाती घेतली आहेत. महापालिकेने दिवाळीपूर्वी शहरातील रस्त्यांची डागडुजी करून रस्ते स्वच्छ करावे, अशी मागणी नागरिकांकडून होत होती आणि प्रशासनाने तातडीने रात्रंदिवस काम करून ऐन सणासुदीच्या काळात नवी सांगवी-पिंपळे गुरव मधील गर्दीत हरवलेला खाऊ गल्ली म्हणून प्रसिद्ध असलेला कृष्णा चौक नागरिकांकरीता पूर्णपणे खुला केला आणि पूर्ण क्षमतेने त्या ठिकाणाहून वाहतूक सुरळीत सुरू झाल्याचे आज पाहायला मिळाले त्यामुळे नागरिकांनी समाधान व्यक्त केले.
महाराष्ट्र 14 न्यूज, (दि.०४ मे) : बारामती लोकसभा मतदारसंघातील महाविकास आघाडीच्या उमेदवार सुप्रिया सुळे यांच्या…
महाराष्ट्र 14 न्यूज, (दि.०२ मे) : महाराष्ट्रातील 48 जागांपैकी 47 जागांवरील लढती कशा असतील हे…
महाराष्ट्र14 न्यूज, (दि.०२ मे) : लोकसभा सार्वत्रिक निवडणूक २०२४ अंतर्गत २०५ चिंचवड विधानसभा मतदारसंघामध्ये मा.निवडणूक…
महाराष्ट्र 14 न्यूज, (दि.०१ मे) : दिवांकुर संस्थेच्या वतीने गरजू विद्यार्थ्यांना मोफत शालेय साहित्य वाटप…
महाराष्ट्र 14 न्यूज, दिनांक- १ मे २०२४. नवी सांगवी (समर्थनगर) येथील प्रतिभा महिला प्रतिष्ठान संचलित…
महाराष्ट्र 14 न्यूज, (दि.२८ एप्रिल) : उपमुख्यमंत्री अजित पवार आज बारामती दौऱ्यावर आहेत.. बारामती तालुक्यातील…