पंतप्रधान आवास योजनेतील पिंपरी चिंचवड मधील आर्थिक दुर्बल घटकातील ३६६४ घरांसाठी सोमवारी होणार सोडत!

महाराष्ट्र 14 न्यूज : पिंपरी चिंचवड महानगरपालिकेमार्फत केंद्रीय गृहनिर्माण व शहरी गरीबी निर्मुलन मंत्रालयाने निर्गमित केलेल्या प्रधानमंत्री आवास योजनेच्या मार्गदर्शन सुचनांचा अवलंब करुन ठिकठिकाणी आरक्षित जागांवर सर्वांसाठी घरे संकल्पनेवर आधारीत प्रधानमंत्री आवास योजना राबविणेत येत आहे . 

केंद्र शासनाच्या प्रधानमंत्री आवास योजने अंतर्गत पिंपरी चिंचवड महानगरपालिकेमार्फत आर्थिक दृष्टया दुर्बल घटकांसाठी च – होली , रावेत व बो – हाडेवाडी येथे स्वस्त घरकुल योजना राबविण्यात येणार आहे . सदर योजनेस मा.महापालिका सभेने दि .26 फेब्रुवारी 2020 रोजी मान्यता दिलेली आहे . या योजनेसाठी दि .17 / 08 / 2020 ते 10/10/2020 या कालावधीत नागरिकांकडून अर्ज मागविणेत आले होते . या योजनेकरीता एकूण 47878 इतके अर्ज प्राप्त झाले असून त्यापैकी 47801 अर्ज पात्र ठरलेले आहेत . सदर प्रकल्पात एकूण 3664 घरे ( सदनिका ) उपलब्ध असून यात च-होली 1442, रावेत 934 तर बो-हाडेवाडी 1288 अशी आहेत. या योजनेकरीता अनुसूचित जाती , अनुसूचित जमाती , दिव्यांग व इतर याप्रमाणे केंद्र शासनाच्या मार्गदर्शक सुचनेनुसार आरक्षण असेल .

या योजनेकरीता 3664 सदनिकेची निवड यादी व त्याच प्रमाणात प्रतिक्षा यादी तयार करण्यात येणार आहे . या प्रकल्पामध्ये सदनिका धारकास प्रथमत : 10 % स्वहिस्सा भरावा लागेल . या योजनेची सोडत पिंपरी चिंचवड महानगरपालिकेच्या Facebook पेजवर Live व YouTube व्दारे दाखविण्यात येणार असल्याने नागरिकांनी सोडतीच्या ठिकाणी कोरोना आजाराचा प्रार्दुभाव रोखण्याच्या दृष्टीकोनातून गर्दी करु नये . सोडतीचा सविस्तर तपशिल महापालिकेच्या अधिकृत वेबसाईटवर व वर्तमानपत्रात प्रसिध्द करण्यात यईल, अशी माहिती सहाय्यक आयुक्त राजेश आगळे ( झो.नि. पु. ) यांनी दिली आहे.

या प्रकल्पाची सोडत दि .11 जानेवारी 2021 रोजी दुपारी 3.00 वाजता प्रा.रामकृष्ण मोरे प्रेक्षागृह चिंचवड येथे आमदार तथा माजी महसूल मंत्री महाराष्ट्र राज्य व भाजपचे प्रदेशाध्यक्ष चंद्रकांतदादा पाटील यांच्या शुभहस्ते होणार असून अजितदादा पवार ( उपमुख्यमंत्री महाराष्ट्र राज्य तथा पालकमंत्री पुणे जिल्हा ) यांच्या उपस्थितीत हा कार्यक्रम होईल . कार्यक्रमाच्या अध्यक्षस्थानी महापौर उषा उर्फ माई ढोरे या राहतील, यावेळी आमदार लक्ष्मण जगताप , आमदार महेश लांडगे तसेच खासदार श्रीरंग उर्फ आप्पा बारणे , श्रीमती सुप्रिया सुळे , डॉ.अमोल कोल्हे , मा.आमदार संग्राम थोपटे , आण्णा बनसोडे यांची विशेष उपस्थिती असेल .