‘खाजगी रूग्णालयात उपचार घेत असलेल्या कोविड बाधित रुग्णांचा संपूर्ण खर्च हा राज्यशासनाच्या मार्फत करावा’ … ‘आमदार लक्ष्मण जगताप’

महाराष्ट्र 14 न्यूज : पुणे व पिंपरी – चिंचवड शहरातील कोरोना विषाणूचा वाढता प्रादुर्भाव लक्षात घेता , कोवीडचा प्रसार थांबणे करिता तसेच रुग्णांसाठी कोविड -१९ या महामारीच्या काळापर्यंत सर्व धर्मादाय व खाजगी रुग्णालयामध्ये , ‘ महात्मा ज्योतिबा फुले जनआरोग्य योजना ‘ तातडीने लागू करण्याबाबत चिंचवड विधानसभेचे ‘आमदार लक्ष्मण जगताप’ यांनी मुख्यमंत्री उद्धव ठाकरे तसेच आरोग्यमंत्र्याना वारंवार पत्राद्वारे कळविले होते .

‘आमदार लक्ष्मण जगताप’ यांनी पुन्हा निवेदन दिले असून त्यात म्हटले आहे की, माझ्या या विषयाला आपण गांभीर्याने न पाहता याच्यात कुठेतरी दुर्लक्ष झाले असल्याचे दिसून येते . याचा परिणामी स्वरूप आज शहरात वेळेत उपचार न मिळाल्याने कोविड बाधितांच्या मृत्यूच्या संख्येत मोठ्या प्रमाणात वाढ होत असताना दिसून येत आहे . सध्याच्या महामारीच्या भयंकर परिस्थितीत तसेच यामुळे लागू केलेल्या लाकडाऊनमुळे आर्थिक अडचणीस्तव रुग्णांना खाजगी रुग्णालयाचा खर्च पेलवत नाही हे देखील तितकेच सत्य आहे . हे आपण जाणून घेणे गरजेचे आहे . परिणामी या कारणास्तव कोविड बाधित रुग्ण हे खाजगी रुग्णालयात न जाता शासकीय रुग्णालयामध्ये मोठ्या प्रमाणात धाव घेत असल्याचे सध्याचे चित्र आहे .

शासकीय रुग्णालयामध्ये ICU बेडची व venti ची कमतरता होत असून कोविड रुग्णाला ICU बेडची वाट बघावी लागत असल्याने शेवटी रुग्णास बेड अभावी मृत्यूला सामोरे जावे लागत आहे . हे देखील तितकेच सत्य आहे . रुग्ण ICU बेड व venti अभावी दगावण्याचे प्रमाण शहरात दिवसेंदिवस वाढत आहेत . एकीकडे शासन जम्बो कोविड सेंटर सुरु करत असून त्यासाठी कोट्यावधी रुपये खर्च करत आहे . जर शहरातील सर्व खाजगी रुग्णालयांची संख्या एकत्र केल्यास त्यांच्याकडे उपलब्ध असलेले डॉक्टर्स , ICU बेड , venti , इन्फ्रास्ट्रक्चर या सर्वांचे एकत्रीकरण केल्यास रुग्णांसाठी ICU बेड मोठ्या प्रमाणात उपलब्ध होतील व शासनास वेगळे जम्बो कोविड सेंटर उभे करण्याची देखील गरज भासणार नाही .

असे केल्यास कोविड बाधित रुग्ण हे खाजगी रुग्णालयात उपचारासाठी दाखल होतील व शासकीय रूग्णालयावरती येणारा ताण तणाव कमी होण्यास मदत होईल . तसेच ICU बेड न मिळाल्याने रुग्णांचे होणारे मृत्यूचे प्रमाण कमी होईल . राज्य शासनाने लागू केलेल्या अधिसूचना क्रमांक कोरोना २०२० सी.आर ९ ७ / आरो -५ , सार्वजनिक आरोग्य विभाग नवी मंत्रालय , मुंबई ४०००१ दि . २१ मे २०२० नुसार खाजगी रूग्णालयाने ८० टक्के बेड कोविड १ ९ रुग्णांसाठी राखीव ठेवावेत , यावेळेस रुग्णाची खर्चिक बाजू लक्षात घेणे तितकेच महत्वाचे होते ? रुग्णाला हा खर्च परवडणारा आहे का ? यावर शासनाचे दुर्लक्ष झाल्याचे चित्र दिसून येते .

कोविड १ ९ च्या उपचाराचा खाजगी रुग्णालयातील खर्च हा सर्वसामान्य व गरीब रुग्णांना न पेलवणारा असल्याचे आम्ही आमच्या मागील पत्राद्वारे वेळोवेळी सूचित केले होते व ‘ महात्मा ज्योतिबा फुले जनआरोग्य योजना ‘ सर्व रुग्णालयात ( जोपर्यंत महामारीचा प्रसार आहे तोपर्यंत ) राबविण्यात यावी हे देखील सुचविले होते . परंतु याबाबत आपल्या स्तरावरून कोणतीही अंमलबजावणी केली गेली नसल्याचे दिसून येते .

जर सर्व खाजगी रुग्णालयात आपण ‘ महात्मा ज्योतिबा फुले जनआरोग्य योजना राबविणार नसाल तर आपल्या स्तरारून खाजगी रुग्णालयातील कोविड बाधित रुग्णाचा संपूर्ण खर्च हा शासनामार्फत करण्यात यावा . जेणेकरून कोविड बाधित रुग्णावर खर्चाचा आर्थिक बोजा येणार नाही व वेळेत उपचार होऊन सत्यने प्रमाण कमी होण्यास मदत होईल . असे आमदार लक्ष्मण जगताप यांनी या निवेदनात म्हटले आहे. शासनाने आतातरी याची सुचनेची दखल घ्यावी , गरिब रुग्णांना न्याय द्यावा ही माफक अपेक्षा!