महाराष्ट्र 14 न्यूज : प्रेमसंबंध असल्याच्या रागातून दोन अल्पवयीन मुलांनी एका १७ वर्षाच्या मुलाची हत्या केल्याची धक्कादायक घटना समोर आली आहे. पुण्याच्या वानवडी पोलीस स्टेशनच्या हद्दीत हा धक्कादायक प्रकार घडला असून यामध्ये आयान जावेद घानपुरे (१७) या तरुणाचा मृत्यू झाला आहे. याप्रकरणी दोन अल्पवयीन मुलांना ताब्यात घेण्यात आले आहे.
नेमके काय घडले?
पोलिसांना मिळालेल्या माहितीनुसार; वानवडी पोलीस स्टेशनच्या हद्दीत राहणाऱ्या आयन घानपुरे या तरुणाचे एका मुलीबरोबर प्रेमसंबंध होते. त्याची माहिती मुलीच्या भावांना समजली होती. यावरुन त्यांच्यात आधी भांडण देखील झाली होती. पण, त्यांनी हे भांडण मिटवण्यासाठी प्रयत्न देखील केले.
दरम्यान, आयान याला सिगारेट ओढवण्याची सवय होती. त्यामुळे या दोघा अल्पवयीन मुलांनी त्याला सिगारेट ओढण्यासाठी एम्प्रेस गार्डन परिसरात नेले. आयानखाली बसून सिगारेट ओढत होता. तिच संधी साधत त्यातील एकाने त्याच्यावर चाकूने हल्ला केला. त्याचा जीव जाईपर्यंत त्याच्यावर चाकूने वार केले. जीव गेल्याची खात्री झाल्यानंतर त्यांनी त्याचा मृतदेह जवळच असणाऱ्या कॅनॉलमध्ये टाकला आणि तिथून पळ काढला. अशाप्रकारे खून झाल्याची माहिती पोलिसांना मिळाली होती. त्यानंतर पोलिसांनी नाना पेठेत या दोघांनाही फिरत असताना ताब्यात घेतले. त्यांच्याकडे केलेल्या अधिक चौकशीत त्यांनी खून केल्याची कबुली दिली. वानवडी पोलिसांनी या प्रकरणी गुन्हा दाखल केला असून, अधिक तपास सुरू आहे, अशी माहिती पोलिसांनी दिली.
महाराष्ट्र 14 न्यूज, (दि.1६ मे ) : पिंपरी चिंचवड शहरातील मोशी, डुडळगाव, चऱ्होली परिसरात सोसाट्याच्या…
महाराष्ट्र 14 न्यूज, (दि.१५ मे) : लोकसभेचे मतदान पार पडल्यानंतर आता मावळ विधानसभा मतदारसंघात मताधिक्य…
महाराष्ट्र 14 न्यूज, (दि.१३ मे) : मावळ लोकसभा मतदारसंघासाठी सोमवारी (दि. १३) मतदान झाले. सकाळी…
महाराष्ट्र 24 न्यूज, (दि.१३ मे) : आज (दि.१३ मे) पुणे जिल्ह्यातील मावळ, शिरूर आणि पुणे…
wमहाराष्ट्र व14 न्यूज, (दि.१३ मे) : पिंपरी चिंचवड शहरात मतदानाला चांगला प्रतिसाद मिळत आहे. सोमवारी…
महाराष्ट्र 14 न्यूज, (दि.१० मे) : लोकसभा निवडणुकीच्या चौथ्या टप्प्यातल्या मतदानाआधी उपमुख्यमंत्री अजित पवार अहमदनगरमध्ये…