सांगवीत चिंचवड महानगरपालिकेच्या वतीने जागतिक पर्यावरण दिनानिमित्त प्लास्टीक मुक्त शहर विशेष मोहीम

महाराष्ट्र 14 न्यूज, (दि.२६ मे) : चिंचवड महानगरपालिकेच्या वतीने जागतिक पर्यावरण दिनानिमित्त प्लास्टीक मुक्त शहर विशेष मोहीम २५ मे २०२२ ते ११ जून २०२२ कालावधीत राबविणेत येत आहे. मनपाच्या ‘ह’ क्षेत्रीय कार्यालयाच्या वतीने आज दिनांक २६/०५/२०२२ रोजी सकाळी ०९.०० ते ११.०० जुनी सांगवी येथील पुण्यश्लोक अहिल्यादेवी होळकर पुतळ्यास ‘ ह ‘क्षेत्रीय कार्यालयाचे क्षेत्रीय अधिकारी विजयकुमार थोरात यांचे हस्ते पुष्पहार अर्पण करुन प्लास्टीक मुक्तीकामी जनजागृती पदयात्रेची सुरवात करण्यात आली. पदयात्रा जुनी सांगवी व नवी सांगवी परिसरात घेण्यात आली.

यावेळी ह क्षेत्रीय कार्यालयाचे सहाय्यक आरोग्याधिकारी महेश आढाव, मुख्य आरोग्य निरिक्षक चंद्रकांत रोकडे, आरोग्य निरिक्षक उध्दव डवरी, रश्मी तुंडलवार, संजय मानमोडे, सुनिल चौहान, बाबासाहेब राठोड तसेच ह क्षेत्रीय कार्यालयातील सर्व अधिकारी-कर्मचारी, करसंकलन विभागातील अधिकारी कर्मचारी, विद्युत विभागातील अधिकारी कर्मचारी वर्ग तसेच बेसिक संस्थाचे प्रतिनीधी, ग्रीन मार्शल पथक, प्रभाग क्र. ३१ व प्रभाग क्र. ३२ चे आरोग्य विभागातील कर्मचारी, तसेच परिसरातील ज्येष्ठ नागरिक व इतर नागरिक असे मोठया संख्येने यावेळी उपस्थित होते.

यावेळी प्लास्टीकचा वापर टाळणेचे आवाहन करण्यात आले. प्लास्टीक मुक्तीबाबत घोषवाक्यांच्या घोषणा करण्यात आल्या. तसेच साई चौक भाजी मंडई येथे सामूहिक प्लास्टीकचा वापर न करणेबाबत प्रतिज्ञा/शपथ घेणात आली. मंडई परिसरात कापडी पिशवी घेवून येणा-या नागरिकांचा गूलाबपुष्प देऊन ह क्षेत्रीय अधिकारी व कर्मचारी यांचेमार्फत सन्मान करण्यात आला. इतरांना आपण प्रेरित करत असल्याचे व आपण खूप चांगले काम करित आहात असे क्षेत्रिय अधिकारी श्री विजयकुमार थोरात यांनी कापडी पिशव्यांचा वापर करणा-या नागरिकांना संबोधले.