Categories: Uncategorized

पिंपरी चिंचवडकर निघाले मेट्रोने बाप्पाच्या दर्शनाला ,… पिंपरी, कासारवाडी, दापोडी स्थानकांवर गणेशोत्सवा निमित्ताने तुफान गर्दी

महाराष्ट्र 14 न्यूज, (दि.२५ सप्टेंबर) : पिंपरीसह, संत तुकारामनगर (वल्लभनगर), नाशिक फाटा (भोसरी), कासारवाडी, फुगेवाडी, दापोडी या स्थानकांवर रविवारी गर्दी होती. त्यामुळे पीएमपी व खासगी वाहनांपेक्षा नागरिकांनी मेट्रोला पसंती दिल्यास अधोरेखित झाले. पिंपरीतील मेट्रो स्थानकावर तिकिटे काढण्यासाठी लांबलचक रांगा लागल्या होत्या. यावर्षी मेट्रोसेवा सुरू झाल्यामुळे सर्वांनाच उत्सुकताही आहे.

पुण्यातील गणेशोत्सवाचे केंद्रबिंदू असलेल्या मध्यवर्ती भागापर्यंत पिंपरी-चिंचवड शहरातून जाण्यासाठी मेट्रो सोयीचे असल्याने गेल्या पाच दिवसांपासून प्रवासी संख्या वाढली आहे.
पिंपरीतून (पीसीएमसी) पुण्यातील शिवाजीनगर, सिव्हिल कोर्ट स्थानकापर्यंत मेट्रोने थेट जाता येत आहे. तेथून पुण्यातील गणेशोत्सवाचे मुख्य आकर्षण असलेले पाच मानाचे गणपती आणि श्रीमंत दगडू शेठ हलवाई गणपतींसह अन्य गणेश मंडळेही पायी चालत जाण्याच्या अंतरावर आहेत.

पुण्यातील गणेश मंडळांचे देखावे पाहण्यासाठी शहरातील भाविक मोठ्या प्रमाणात जात असतात. रात्री उशिरापर्यंत भाविकांची वर्दळ असते. त्‍यांच्या सोयीसाठी मेट्रोने नियमितच्या वेळेपेक्षा रात्रीची वेळ वाढवली आहे. शुक्रवारपासून (ता. २२) मेट्रोच्या जादा फेऱ्या सुरू केल्या आहेत. बुधवारपर्यंत (ता. २७) सकाळी सहापासून रात्री १२ वाजेपर्यंत मेट्रो सेवा सुरू असेल. गुरुवारी (ता. २८) विसर्जनाच्या दिवशी सकाळी सहापासून मेट्रो सेवा सुरू होईल. ती शुक्रवारी (ता. २९) पहाटे दोनपर्यंत सुरू राहणार आहे. त्यामुळे मध्यरात्रीनंतरही भाविकांना मेट्रोची सेवा उपलब्ध राहणार असल्याचे मेट्रोने कळविले आहे.

गणेशोत्सव काळात या मंडळांच्या परिसरात वाहन नेण्यास बंदी असते. तसेच कोणी वाहन आणल्यास तो वाहतूक कोंडी व गर्दीत फसतो. तास- दोन तास तो अडकून पडतो. त्यामुळे पुणे महापालिका भवनापासून भाविकांना चालतच जावे लागते. परिणामी मेट्रोचा आनंद घेणे आणि गणपती दर्शन व पुण्यातील उत्सव पाहण्याचा तिहेरी लाभ घेण्याकडे भाविकांचा कल वाढलेला दिसतो. रविवारी (ता. २४) गणेशोत्सवाचा सहावा दिवस, प्रशासनाने दर्शनासाठी वाढवलेला कालावधी आणि रविवारची सार्वजनिक सुटी यामुळे मेट्रोच्या प्रत्येक गाडीत भाविकांची गर्दी दिसून आली.

Maharashtra14 News

Recent Posts

पिंपरी चिंचवड महापालिकेकडून विविध ठिकाणी कृत्रिम जलकुंडाची सोय

महाराष्ट्र 14 न्यूज, पिंपरी : दि. २६ ऑगस्ट २०२५ गणेशोत्सवाची तयारी सध्या जल्लोषात सुरू असून…

25 mins ago

अतिरिक्त आयुक्तांनी विसर्जन घाटांवरील सोयीसुविधांचा प्रभागनिहाय घेतला आढावा … पिंपरी चिंचवड महापालिकेची गणेशोत्सवपूर्व तयारी वेगात

महाराष्ट्र 14 न्यूज पिंपरी, दि. २६ ऑगस्ट २०२५ :* गणेशोत्सवाच्या पार्श्वभूमीवर पिंपरी चिंचवड महापालिकेचे अतिरिक्त…

2 hours ago

जीवघेण्या भटक्या कुत्र्यांचा बंदोबस्त करा नवी सांगवीतील नागरिकांची मागणी … कुत्र्याच्या चाव्याने महिला ICU मध्ये

महाराष्ट्र 14 न्यूज, दि. 25 ऑगस्ट :- कुत्रे पाठीमागे लागल्यामुळे नवी सांगवीतील एक महिला गाडीवरून…

11 hours ago

पिंपरी चिंचवडचा प्रयोद रजपूत बेस्ट बॉक्सरचा मानकरी … आता पिंपरी चिंचवड खेळाडूंचीही नगरी

महाराष्ट्र 14 न्यूज, दि.25ऑगस्ट :-- पिंपरी चिंचवडचा प्रयोद रजपूत बेस्ट बॉक्सरचा मानकरी ठरला आहे. पिंपरी…

13 hours ago

काम न करणाऱ्यांचेच फ्लेक्स जास्त असतात, म्हणत अजित पवारांचा पिंपरी चिंचवडकरांना इशारा… ज्याचे फ्लेक्स जास्त त्याचं बटन दाबू नका,

अजित पवारांनी आज चौफेर फटकेबाजी केली. मी बीडचा पालकमंत्री आहे. तिथले नागरिक म्हणतात तुम्ही अधून-…

21 hours ago

ध्वजपताका दिनांक १५ ऑक्टोबर पर्यंत पावसाळी वातावरणामुळे उतरविण्याचा महानगरपालिकेचा निर्णय..

महाराष्ट्र 14 न्यूज, पिंपरी, २५ ऑगस्ट २०२५ : चऱ्होली येथील वडमुखवाडी परिसरात संत ज्ञानेश्वर महाराज…

1 day ago