महाराष्ट्र 14 न्यूज, (दि.१० मे) : पिंपरी चिंचवड शहरातील नवी सांगवी येथील बांधकाम व्यावसायिक संजय शितोळे यांनी सायकलवरून लंडन ते पॅरिस हा प्रवास २४ तासांत पूर्ण केला. लंडनमधील टॉवर ब्रिजपासून सुरू केलेले सायकलिंग दुसऱ्या दिवशी आयफेल टॉवर येथे संपले. निवडलेला घाटांचा रस्ता, कडकडीत गारठा, शेवटचे दोन तास पाऊस अशा प्रतिकूल परिस्थितीवर मात करत ब्रिटिश व जर्मन सहकाऱ्यांसोबत त्यांनी हे अंतर पूर्ण केले.
शितोळे म्हणाले, “लंडन ते ग्रीनविच, केंट, अॅशडाऊन फॉरेस्ट या चढऊताराच्या नितांत रमणीय रस्त्याने घाम काढला. इंग्लिश चॅनेल न्यूहेवन येथून फेरी बोटीने पार करायला पाच तास लागले. फ्रान्समधील डीपी बंदरावर इंग्रजी न कळणाऱ्या फ्रेंच इमिग्रेशन ऑफिसरबरोबर वादावादीने ३० मिनिटे वाया गेली. पुढील प्रवास सोमे व्हॅली, नॉर्मडी या महायुद्धातील अनेक थरारक प्रसंगातील साक्षीदार असलेल्या निसर्गरम्य भूमीतून होता पण वेळेचे बंधन व चढ उताराने कस लागला. पॅरिसच्या उपनगरातून आयफेल टॉवरचे टोक पाहिल्यावर आनंद झाला.
शिल्लक ४५ मिनिटे वेळ व जीपीएस दहा किलोमीटर अंतर दाखवत होते. पाऊस जोरदार पडत होता. मात्र, प्रयत्नपूर्वक मन व श्वासाची लय जोडली गेली व आयफेल पॅरिस संजय शितोळे देशमुख यांनी लंडन ते पॅरिस हा ३३० किलोमीटर २४ तासात सायकलवरून पूर्ण केले.
पाऊस थांबत आला होता पण डोळ्यातून अश्रूधारा बरसत होत्या.” संजय शितोळे देशमुख हे लंडनमधील अनेक संस्थांशी संबंधित आहेत. यापूर्वी त्यांनी महाराष्ट्रातील व युरोपमधील सर्वोच्च शिखरे पार केली आहेत. तसेच आंतरराष्ट्रीय सायकल मोहिमा केल्या आहेत.
महाराष्ट्र 14 न्यूज, दि. ३१ मार्च २०२५ - पिंपरी चिंचवड महापालिकेच्या वतीने सांगवी किवळे रस्त्यावर…
महाराष्ट्र 14 न्यूज, दि.२५ मार्च : आज मुख्यमंत्री देवेंद्र फडणवीस, उपमुख्यमंत्री अजित पवार यांच्या उपस्थितीत…
महाराष्ट्र 14 न्यूज, (मुंबई), दि.२१ मार्च :- औंध जिल्हा रुग्णालयाच्या आवारात अत्याधुनिक सुपर स्पेशालिटी हॉस्पिटल…
: मालमत्ता कर वसुलीसाठी अतिरिक्त आयुक्त जांभळे पाटील ‘ऑन ग्राऊंड’.... : पिंपरी चिंचवड महानगरपालिकेने 05…
महाराष्ट्र 14 न्यूज, ता. १६ : जीवनात काही साध्य करायचे असेल तर त्यासाठी प्रतिज्ञा करणे महत्त्वाचे…
सदगुणांना प्रतिष्ठा मिळवून देण्याचे काम समाजाकडून झाले पाहिजे - स्वामी गोविंददेव गिरी महाराज तुकाराम महाराजांच्या…