महाराष्ट्र 14 न्यूज, (दि.१२जुलै) : ( माझी शेती ) गायीचे प्रत्येकाच्या मनात एक चित्र असते. देशभर अनेक जातींच्या गायी आहेत. काहींची उंची जास्त असते, तर काहींची मध्यम. पण आज आम्ही ज्या गायीची माहिती सांगणार आहोत, ती वाचून तुम्हाला पण आश्चर्य वाटल्याशिवाय राहणार नाही. बांगलादेशातील ढाका जवळील चारीग्राम येथे राणी नावाची एक गाय आहे. सध्या तिच्याबद्दल जगभर कुतूहल आहे. ढाक्याला जाणारे पर्यटकही खास करून या गायीला बघायला जात आहेत. आता तुम्ही म्हणाल की या गायीमध्ये काय खास आहे. तर, या गायीचे वैशिष्ट्य म्हणजे ही गाय फक्त ५१ सेंटीमीटर इतक्या उंचीची आहे तर तिचे वजन हे या अवघे २६ किलो आहे.
राणी नावाची ही गाय जगातील सर्वात लहान आकाराची गाय असल्याचे बोलले जात आहे.
याच कारणाने बांगलादेशात लॉकडाऊन असूनही या गायीला पाहण्यासाठी लोकांची झुंबड उडत आहे. या गायीची निगा राखणारे हसन हवालदार यांच्यामते दूरवरून लोक या गायीला पाहण्यासाठी येत आहेत. तब्बल १५,००० लोक या गायीला बघून गेले आहेत. ते सांगतात की, ‘लोकांच्या या गर्दीला आम्ही पण त्रासलो आहोत.’
या गावाच्या आजूबाजूला असलेले लोक पण सांगतात की अशी गाय आम्ही आजवर पाहिलेली नाही. राणी ही गाय मूळ भूतानची असून तिला बंगालमधून बांगलादेशात नेण्यात आले आहे. या गायीची दखल गिनीज बुक ऑफ वर्ल्ड रेकॉर्डने पण घेतली आहे. ही गाय जगातली सर्वात लहान गाय आहे या दाव्याची तपासणी करण्यासाठी गिनीज बुक ऑफ वर्ल्ड रेकॉर्डचे अधिकारी येणार आहेत.
या गायीवर लोकांनी मात्र प्रेमाचा वर्षाव केला आहे. अतिशय सुंदर वाटणारी ही गाय पाहण्यासाठी म्हणूनच गर्दी होत आहे. तर सोशल मिडीयावरही या गायीचे फोटो व्हायरल होत आहेत
महाराष्ट्र 14 न्यूज, (दि.०१ मे) : दिवांकुर संस्थेच्या वतीने गरजू विद्यार्थ्यांना मोफत शालेय साहित्य वाटप…
महाराष्ट्र 14 न्यूज, दिनांक- १ मे २०२४. नवी सांगवी (समर्थनगर) येथील प्रतिभा महिला प्रतिष्ठान संचलित…
महाराष्ट्र 14 न्यूज, (दि.२८ एप्रिल) : उपमुख्यमंत्री अजित पवार आज बारामती दौऱ्यावर आहेत.. बारामती तालुक्यातील…
महाराष्ट्र 24 न्यूज, दि.२५ एप्रिल : मावळ लोकसभा मतदारसंघातील शिवसेना-भाजपा-राष्ट्रवादी-आरपीआय-मनसे-रासपा व मित्रपक्ष महायुतीचे उमेदवार श्रीरंगआप्पा…
महाराष्ट्र 14 न्यूज, (उरण, दि. 25 एप्रिल) : गरीब कष्टकरी व आदिवासी लोकांना न्याय मिळवून…
महाराष्ट्र 14 न्यूज, दि.२३ एप्रिल : उपमुख्यमंत्री अजित पवार यांचे चिरंजीव पार्थ पवार यांना वाय…