शनिवार १० एप्रिल राजी पिंपरी चिंचवड शहरातील सर्व लसीकरण केंद्रावर मिळणार कोविड-१९ ची लस!

महाराष्ट्र 14 न्यूज, (दि . ०९ एप्रिल २०२१) : पिंपरी चिंचवड महानगरपालिकेच्या वतीने शहरात विविध ठिकाणी कोविड १९ प्रतिबंधात्मक लसीकरण केंद्रे कार्यान्वीत करण्यात आली आहेत . पिंपरी चिंचवड महानगरपालिकेकडे २०००० लसीचा साठा उपलब्ध झाल्याने उद्या दि . १० एप्रिल २०२१ रोजी सदर सर्व लसीकरण केंद्र सुरू ठेवण्यात येत आहेत , अशी माहिती अतिरिक्त आरोग्य वैद्यकिय अधिकारी डॉ . पवन साळवे यांनी दिली .

पिंपरी चिंचवड महानगरपालिकेच्या वतीने शहरात सुरू करण्यात आलेल्या ५९ लसीकरण केंद्रामार्फत सुमारे १ लाख ८० हजार ९२ व्यक्तींना लस देण्यात आली आहे तर खाजगी २८ लसीकरण केंद्रामार्फत ५० हजार ७७७ व्यक्तींना लस देण्यात आली आहे . शहरातील एकुण २ लाख ३० हजार ८६९ व्यक्तींचे लसीकरण करण्यात आले आहे .

शासनाने दिलेल्या मार्गदर्शक सुचनांनुसार लसीकरण मोहीम राबविण्यात येत आहे . लसीचा साठा प्राप्त करून घेण्याची कार्यवाही सुरू होती, तो साठा उपलब्ध झाल्याने शनिवारी १० एप्रिल रोजी शहरातील सर्व लसीकरण केंद्र सुरू राहणार आहेत . असे पिंपरी चिंचवड महानगरपालिकेच्या वतीने सर्व नागरिकांना कळविण्यात येत आहे.