Categories: Uncategorized

मराठी पत्रकार परिषदेच्या 85 वर्धापन दिनी पत्रकारांची आरोग्य तपासणी..पिंपरी चिंचवड पत्रकार संघ व लोकमान्य हॉलिस्टिक कॅन्सर केअर सेंटर च्या वतीने आयोजन

महाराष्ट्र 14 न्यूज, (दि. ०३ डिसेंबर) : देशभरातील पत्रकारांची मातृसंस्था असलेल्या मराठी पत्रकार परिषदेच्या 85 व्या वर्धापन दिनानिमित्त पिंपरी चिंचवड पत्रकार संघ व लोकमान्य हॅलो स्टिक कॅन्सर केअर सेंटर च्या वतीने सर्व पत्रकार बंधू भगिनी व त्यांच्या कुटुंबियांसाठी मोफत आरोग्य तपासणी शिबिर आयोजित करण्यात आले होते. त्यामध्ये प्रिंट मीडिया, इलेक्ट्रॉनिक मीडिया तसेच डिजिटल मीडियाच्या विविध पत्रकारांनी व त्यांच्या कुटुंबीयांनी सहभाग नोंदवला. पिंपरी चिंचवड पत्रकार संघाचे अध्यक्ष अनिल वडघुले यांनी केलेल्या आवाहनाला प्रतिसाद देत तब्बल 85 पत्रकार बंधू भगिनी व कुटुंबियांनी मोफत आरोग्य तपासणीचा लाभ घेतला.

या कार्यक्रमाचे उदघाटन राज्याचे अध्यक्ष शरद पाबळे यांच्या हस्ते संपन्न झाले, यावेळी पुणे विभागीय सचिव गणेश मोकाशी, पिंपरी चिंचवड पत्रकार संघ अध्यक्ष अनिल वडघुले, कार्याध्यक्ष अविनाश आदक, डिजिटल मीडियाचे अध्यक्ष राजू वारभुवन, डॉ. देविदास शेलार, बापुसाहेब गोरे, प्रकाश जमाले आपला आवाज चे मुख्य संपादक अतुल परदेशी संगीता तरडे, साम टीव्हीचे गोपाळ मोटघरे, सामाजिक कार्यकर्ते अक्षय गायकवाड, मुकेश गायकवाड आदी उपस्थित होते.

मराठी पत्रकार परिषद ही देशातील सर्वात जुनी व सर्वात मोठी पत्रकार मातृसंस्था आहे. परिषदेचा वर्धापन दिन दरवर्षी आरोग्य दिन म्हणून 3 डिसेंबर रोजी महाराष्ट्रभर साजरा केला जातो, मागील वर्षी एकाच दिवशी महाराष्ट्रातील 8 हजार पत्रकारांची तपासणी करण्यात आली होती तो एक आगळावेगळा रेकॉर्ड ठरला होता. यावर्षी तब्बल 10 हजार पत्रकारांची आरोग्य तपासणी करण्याचा संकल्प मराठी पत्रकार परिषदेचे मुख्य विश्वस्त एस एम देशमुख, विश्वस्त किरण नाईक, तसेच अध्यक्ष शरद पाबळे यांनी केला होता त्यानुसार सर्व तालुका, जिल्हा पत्रकार संघटनांनी आपापल्या भागात आरोग्य शिबिरांचे आयोजन केले होते.

पिंपरी चिंचवड पत्रकार संघाने आयोजित केलेल्या आरोग्य तपासणी शिबिरासाठी लोकमान्य कॅन्सर रिसर्च सेंटरचे अधिष्ठाता डॉ. निनाद नाईक, डॉ. क्षिरसागर, डॉ. सहदेव गोळे यांचे सर्व सहकारी तसेच नंदादीप सेरी आय हॉस्पिटल पिंपळे गुरव यांचे विशेष सहकार्य लाभले. या तज्ञ डॉक्टरांच्या मार्गदर्शनाखाली मधुमेह, रक्तदाब, कॅन्सर, डोळे तपासणी व विविध आजारांवर आयुर्वेदिक उपचार यावेळी करण्यात आले.कार्यक्रम यशस्वी होण्यासाठी डॉ. देविदास शेलार, महावीर जाधव, संतोष गोतावळे, नितीन कालेकर, अशोक कोकणे, सिद्धांत चौधरी, जेम्स साळवे, सोमनाथ नाडे, प्रसाद वडघुले, सागर बाबर, विनय सोनवणे, दत्तात्रय कांबळे, हनुमंत रामदासी, हर्षद कुलकर्णी, पराग डिंगणकर, प्रकाश अनंतकर, रमेश साठे, आदी पत्रकारांनी कार्यक्रम यशस्वी करण्यासाठी प्रयत्न केला. डॉ. सहदेव गोळे यांनी सर्व उपस्थितीतांचे स्वागत केले, कार्यक्रमाचे प्रास्ताविक अध्यक्ष अनिल वडघुले यांनी केले, तर कार्याध्यक्ष अविनाश आदक यांनी सर्वांचे आभार व्यक्त केले.

Maharashtra14 News

Recent Posts

शंभरपेक्षा अधिक घरफोड्या, सराईत गुन्हेगाराला सांगवी पोलिसांनी ठोकल्या बेड्या

महाराष्ट्र 14 न्यूज, दि.21सप्टेंबर  : शंभरपेक्षा अधिक घरफोडी करणाऱ्या सराईत गुन्हेगाराला सांगवी पोलिसांनी अटक केली…

9 hours ago

पुण्यात इंटेन्सिफाईड आयईसी कॅम्पेन अंतर्गत शाळा आणि महाविद्यालयात ‘एचआयव्ही’बाबत जागृती

महाराष्ट्र 14 न्यूज, दि.18 सप्टेंबर :- महाराष्ट्र राज्य एड्स नियंत्रण संस्था, मुंबई अंतर्गत जिल्हा एड्स…

3 days ago

महाराष्ट्रात प्रथमच … पुणेकरांना पाहायला मिळणार लंडन ब्रिज आणि युरोपियन स्ट्रीट .. वाचा, कुठे आणि केव्हा

महाराष्ट्र 14 न्यूज, दि.18 सप्टेंबर : डी. जे. अम्युजमेंट प्रस्तुत महाराष्ट्रात प्रथमच लंडन ब्रिज, युरोपियन…

3 days ago

पावसाचे पाणी साचणाऱ्या भागात शाश्वत उपाययोजना करा – अतिरिक्त आयुक्त प्रदीप जांभळे पाटील … कासारवाडीतील लोंढे चाळ परिसरात केली पाहणी

महाराष्ट्र 14 न्यूज, पिंपरी, १९ सप्टेंबर २०२५ :* पिंपरी चिंचवड शहरातील कासारवाडी येथील लोंढे चाळ…

3 days ago