भारतरत्न डॉ बाबासाहेब आंबेडकर यांना नगरसेवक राजू बनसोडे यांच्या वतीने अभिवादन … छत्रपती शिवाजी महाराजांनाही केले नमन!

महाराष्ट्र 14 न्यूज : परमपूज्य, बोधीसत्व भारतरत्न डॉ बाबासाहेब आंबेडकर यांच्या १३० व्या जयंतीनिमित्त दापोडी येथे त्यांच्या पुतळ्यास नगरसेवक राजू बनसोडे यांच्या वतीने पुष्पहार अर्पण करून अभिवादन करण्यात आले, याच प्रमाणे त्यांनी दापोडी येथे असलेल्या छत्रपती शिवाजी महाराजांच्या पुतळ्यासही पुष्पहार अर्पण केला.

याप्रसंगी उपस्थित शहराच्या महापौर माई ढोरे, उपमहापौर हिराबाई नानी घुले,विरोधी पक्षनेते राजू मिसाळ, नगरसेविका सुलक्षना धर, युवक उपाध्यक्ष शेखर काटे,रवि कांबळे, प्रा.गोरख ब्राम्हणे,नरेश सुतार,अॅलेक्स दास,भाऊसाहेब मुगुटमल,विपुल साठे,सोन्या जगताप,तुषार चाळके,सुशांत वंजारी याप्रसंगी उपस्थित होते.

पिंपरी चिंचवड शहरात सर्व ठिकाणी राष्ट्रपुरुष महामानव डॉ बाबासाहेब आंबेडकर यांची जयंती साध्या पध्दतीने साजरी करण्यात आली. गेल्यावर्षी व याही वर्षी कोरोनामुळे मिरवणूक व अन्य कार्यक्रम झाले नाहीत. परंतु सांस्कृतिक कार्यक्रमाची मेजवानी सर्वांनी घरात बसून घेतली, यावेळी सर्वांनी कोरोनाचे नियम पाळत जयंती कार्यक्रमात सहभाग घेतला. यामुळे पोलिस यंत्रणा व प्रशासकीय यंत्रणेवर ताण आला नाही. अशी दक्षता सर्वांनी घेतली, आणि नागरिकांनी सहकार्य केले, तर लवकर कोरोनाचे संकट आपण हद्दपार करू असेही ‘नगरसेवक राजू बनसोडे’ यावेळी बोलताना म्हणाले.