महाराष्ट्र 14 न्यूज, (दि.१९ मे) : गुन्हेगारांचे सोशल मिडीया अकाउंटची पाहणी करीत असताना पिंपरी चिंचवड शहरातील भोसरी पोलीस ठाणे अभिलेखावरील गुन्हेगारांनी पूर्व वैमनस्यातुन इन्स्टाग्राम स्टेटसच्या माध्यमातुन विरोधी गटातील गुन्हेगारांना शिवीगाळ व खुन्नस देणारे संदेश पाठविल्याचे दिसुन आले.
त्याबाबत अधिक चौकशी केली असता स्टेटस ठेवणाऱ्यांच्या इंन्स्टाग्राम ग्रुपमधील काही सदस्य रेकॉर्डवरील गुन्हेगार असल्याचे निष्पन्न झाले. दोन्ही गटांची गुन्हेगारी पार्श्वभुमी पाहता त्यांचे हातुन एखादा गंभीर स्वरूपाचा गुन्हा घडण्याची शक्यता असल्याने भोसरी पोलीस स्टेशन तपास पथकाचे अधिकारी व अंमलदारांनी सदस्यांची तपासणी सुरू केली. तपासणी दरम्यान आरोपी नामे शफिक सुलतान शेख, वय २३ वर्षे, धंदा-वेल्डींगकाम, रा. गोडावुन चौक, भोसरी फिरस्ता मुळ पत्ता:- गाव चाकोर इंद्रानगर, ता. चाकोर, जि. लातुर यास काल दिनांक १८/०५/२०२३ रोजी रात्री ०९/०० वा. चे सुमारास मोहननगर भोसरी येथे ताब्यात घेतले.
त्याचे कब्जात एक धारदार लोखंडी कोयता मिळुन आल्याने त्याचे विरुध्द भारतीय हत्यार कायद्यान्वये गुन्हा दाखल करण्यात आला आहे. तपासादरम्यान त्याचे गटातील सदस्यांचे सद्गुरूनगर भोसरी येथील गुन्हेगारांशी वाद झाल्याने त्या वादाचा बदला घेण्यासाठी त्याने सदरचा कोयता बाळगल्याचे तपासात निष्पन्न झाले. सदर आरोपीचे साथीदारांविरुध्द मोसरी एमआयडीसी पोलीस स्टेशन व पिंपरी पोलीस ठाण्यात गंभीर स्वरूपाचे गुन्हे दाखल असुन भोसरी पोलीस अधिक तपास करीत आहे.
महाराष्ट्र 14 न्यूज, दि.28ऑगस्ट :-- मराठा आरक्षण आंदोलनाचे नेते मनोज जरांगे पाटील यांच्या नेतृत्वाखाली आंंदोलक…
महाराष्ट्र 14 न्यूज, दि.28 ऑगस्ट : पिंपळे गुरव येथील श्री गजानन महाराज यांची ११५ वी…
महाराष्ट्र 14 न्यूज, पिंपरी, दि. २७ ऑगस्ट २०२५:* पिंपरी चिंचवड महापालिकेच्या वतीने नागरिकांना सक्षम आणि…
महाराष्ट्र 14 न्यूज, पिंपरी : दि. २६ ऑगस्ट २०२५ गणेशोत्सवाची तयारी सध्या जल्लोषात सुरू असून…
महाराष्ट्र 14 न्यूज पिंपरी, दि. २६ ऑगस्ट २०२५ :* गणेशोत्सवाच्या पार्श्वभूमीवर पिंपरी चिंचवड महापालिकेचे अतिरिक्त…
महाराष्ट्र 14 न्यूज, दि. 25 ऑगस्ट :- कुत्रे पाठीमागे लागल्यामुळे नवी सांगवीतील एक महिला गाडीवरून…