अनलॉकनंतर नगरसेवक ‘हर्षल ढोरे’ यांनी मोरुची मावशी नाटकाच्या रूपाने सांगवीकरांना दिली सांस्कृतिक मेजवानी … नाटकास प्रेक्षकांचा उदंड प्रतिसाद!

महाराष्ट्र 14 न्यूज : अनलॉकनंतर मंगळवारी (ता.१६) सांगवीकरांना नाटकांची तिसरी घंटा ऐकण्याची संधी मोरूची मावशी या नाटकाच्या रूपाने ‘ह’ प्रभाग अध्यक्ष हर्षल ढोरे यांनी दिली. निमित्त होते या भागाचे कार्यसम्राट आमदार लक्ष्मण जगताप यांच्या वाढदिवसानिमित्त आयोजित केलेल्या सांस्कृतिक कार्यक्रमाचे , आमदार लक्ष्मण जगताप यांच्या वाढदिवसानिमित्त पिंपरी चिंचवड शहरात विविध प्रकारच्या कार्यक्रमांचे आयोजन त्यांच्यावर प्रेम असणाऱ्या त्यांच्या अनेक चाहत्यांनी केले आहे.

सांगवीतील गजानन महाराज मंदिरा समोरील मोकळ्या मैदानात बालाजी प्रतिष्ठानच्या वतीने मोरूची मावशी या आचार्य अत्रे लिखित अभिनेता भरत जाधव यांच्या नाटकाच्या या प्रयोगाचे उद्घाटन पिंपरी चिंचवडच्या महापौर व या भागाच्या नगरसेविका माई ढोरे व जयश्री विजूशेठ जगताप यांच्या हस्ते करण्यात आले. यावेळी विजूशेठ जगताप, शशिकांत कदम, उषा मुंढे, अंबरनाथ कांबळे, शारदा सोनवणे, संतोष कांबळे, सागर आंघोळकर, महेश जगताप,उद्धव कवडे, संजय मराठे, संतोष ढोरे, दिलीप तनपुरे, धनंजय ढोरे, नितीन खोदडे, जवाहर ढोरे, पत्रकार संतोष महामुनी आणि नाट्यप्रेमी रसिक मोठया संख्येने उपस्थित होते.

पिंपरी चिंचवडकरांनी माझ्यावर नेहमीच भरभरून प्रेम केले आहे. तब्बल नऊ महिन्यांच्या खंडानंतरही ते आपणास पुन्हा अनुभवण्यास मिळत असल्याचे मत मराठी रंगभूमी व चित्रपटसृष्टीतील आघाडीचे अभिनेते भरत जाधव यांनी यावेळी व्यक्त केले. तसेच आमदार लक्ष्मणभाऊ जगताप यांना वाढदिवसाच्या शुभेच्छाही दिल्या.

नाटकास सांगवीकरांचा ‘हाऊसफुल्ल’ प्रतिसाद..

कोरोनाच्या पार्श्‍वभूमीवर गत नऊ ते दहा महिन्यांपासून चित्रपट, नाटकांच्या प्रयोगांना राज्य शासनाची परवानगी नसल्याचे सिनेमा व व्यावसायिक नाटकांचे प्रयोग बंदच होते. त्यामुळे प्रेक्षकांना मोठी प्रतीक्षा करावी लागली, मात्र, आजच्या मोरूच्या मावशीच्या रूपाने ती पूर्ण झाल्याचे दिसत होते. नाटकास चहात्यांनी इतका प्रतिसाद दिला की लोकांना पाय ठेवायला जागा न्हवती मैदान अगदी तुडुंब भरले होते. काही तासांतच हा प्रयोग हाऊसफुल्ल झाल्याने, प्रेक्षकांना मनोरंजनाची किती गरज होती, हे आज लक्षात आले.शासनाने पन्नास टक्के उपस्थितीच्या अटींवर सिनेमा व नाटकांच्या प्रयोगांना परवानगी दिली असल्याने नाट्यगृहात जाऊन नाटक पाहणं अवघड झालं आहे, असे नाट्यप्रेमी चे म्हणणे आहे, परंतु आमच्या हर्षल भाऊंमुळे आम्हाला आज आमच्या भागात नाटक पाहण्याचा योग आल्याने आम्हाला आनंद झाल्याचे महिला वर्ग म्हणत होता. नाटकाचा प्रयोग प्रेक्षकांच्या उदंड प्रतिसादाने ‘हाऊसफुल्ल’ झाल्याचे यावेळी दिसून आले. तसेच सर्वच प्रेक्षकांनी नाटकास मनापासून दाद दिली.