न्यू सिटी प्राईड स्कूल मध्ये खूप दिवसांनी विद्यार्थ्यांची किलबिल … मुखध्यापिका यांनी विद्यार्थ्यांची काळजी घेत, नियमांचे केले पालन!

महाराष्ट्र 14 न्यूज : कोरोनामुळे लॉकडाउन झाले आणि मार्चच्या तिसऱ्या आठवड्यापासून सर्व शाळा बंद ठेवाव्या लागल्या. वर्ष संपले. नवीन शैक्षणिक वर्ष सुरु झाले. तरीही शाळा बंदच होत्या. ऑनलाइन वर्ग सुरु झाले . कोरोनाच्या प्रादुर्भाव ओसरल्यानंतर शालेय शिक्षण विभागाने राज्यातील इयत्ता नववी ते बारावीचे वर्ग स्थानिक प्रशासनाच्या परवानगीने सुरु करण्याचा निर्णय घेतला.

त्यानुसार आज शाळा सुरु करण्यासाठी सॅनिटाईजर,मास्क व आवश्यक असणाऱ्या सर्व उपाययोजनांची अंमलबजावणी करण्यात आली आहे. सरकारनियमानुसार सर्व खबरदारी व उपाययोजनाची पुर्तता केलेली आहे . सर्व शिक्षक ,शिक्षकेत्तर कर्मचारी यांची कोरोना चाचणी (RT-PCR) करण्यात आलेली आहे .

प्रत्येक विद्यार्थी शिक्षक ,शिक्षकेत्तर कर्मचारी यांच्या शरीराचे तापमान मशीन द्वारे करण्यात आले. तसेच सर्व वर्ग खोल्या, ऑफिस व परिसराची निर्जंतुकीकरण करण्यात आले . सोशल डिस्टंसिंग चे पालन करून वर्गात २०-२५ विद्यार्थी बसविण्यात आले.

“घरात ७-८ महिन्यापासून बसून असल्यामुळे मुलांची उत्सुकता वाढली होती.सगळे मित्र ,शिक्षक खूप दिवसांनी कधी भेटतील असे झाले होते . ऑनलाईन शिक्षण घेताना ज्या काही अडचणी आल्या होत्या ते आता शाळेत आल्यानंतर कमी होतील व चांगले दर्जेचे शिक्षण मिळणार आहे.

 

पालकांनी मुलांना शाळेत पाठवताना कोणतीही खंत बाळगू नये . शाळांनाही मुलांची काळजी आहे” असे शाळेच्या मुख्याध्यापिका कल्पलता डीक्रूझ म्हणाल्या.

सर्व मुलांचे गुलाबाचे फुल देऊन सकाळी स्वागत करण्यात आले. व सर्व मुलांना, शिक्षकांना ,शिक्षकेत्तर कर्मचारी यांना सॅनिटाईजर व मास्क संस्थेतर्फे देण्यात आले .